പഴനി ക്ഷേത്രത്തിലെ പ്രസാദമായ പഞ്ചാമൃതത്തിൽ ഗർഭനിരോധന ഗുളികകൾ കലർത്താറുണ്ടെന്ന് ആരോപിച്ച തമിഴ് സംവിധായകൻ മോഹൻ ജി അറസ്റ്റിലായി. തിരുച്ചിറപ്പള്ളി സൈബർ ക്രൈം പൊലീസാണ് ചെന്നൈയിൽ വച്ച് മോഹനെ അറസ്റ്റ് ചെയ്തത്. ഇയാളെ തിരുച്ചിറപ്പള്ളിയിലേക്ക് കൊണ്ടുപോകുമെന്നാണ് റിപ്പോർട്ട്.
ഒരു യുട്യൂബ് ചാനലിന് നൽകിയ അഭിമുഖത്തിലാണ് മോഹൻ ഈ ആരോപണം ഉന്നയിച്ചത്. ക്ഷേത്രത്തിലെ ജീവനക്കാരിൽ നിന്ന് ലഭിച്ച വിവരമാണിതെന്നും അദ്ദേഹം പറഞ്ഞിരുന്നു. ഈ പ്രസ്താവനയ്ക്കെതിരെ സോഷ്യൽ മീഡിയയിൽ വ്യാപക പ്രതിഷേധം ഉയർന്നിരുന്നു. വിവിധ സംഘടനകളും മോഹന് എതിരെ രംഗത്തെത്തി.
ഒരു സംഘടന പൊലീസിന് നൽകിയ പരാതിയുടെ അടിസ്ഥാനത്തിലാണ് അറസ്റ്റ് നടന്നതെന്നാണ് റിപ്പോർട്ട്. ദ്രൗപദി, രുദ്രതാണ്ഡം, ബകാസുരൻ തുടങ്ങിയ സിനിമകളുടെ സംവിധായകനാണ് മോഹൻ ജി. അറസ്റ്റിനെതിരെ ബിജെപി നേതാക്കളും രംഗത്തെത്തിയിട്ടുണ്ട്.
Story Highlights: Tamil director Mohan G arrested for claiming contraceptive pills mixed in Palani temple prasad
