Kerala Forest Minister criticizes PV Anwar MLA's speech

നിലമ്പൂരിലെ വനംവകുപ്പിന്റെ പരിപാടിയിൽ പിവി അൻവർ എംഎൽഎ നടത്തിയ പ്രസംഗത്തിൽ അതൃപ്തി പ്രകടിപ്പിച്ച് വനം മന്ത്രി എ കെ ശശീന്ദ്രൻ രംഗത്തെത്തി. ഇങ്ങനെയാണോ കാര്യങ്ങൾ പറയേണ്ടതെന്ന് അൻവർ തന്നെ ആലോചിക്കട്ടെയെന്ന് മന്ത്രി വിമർശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പറഞ്ഞത് ശരിയാണോ എന്ന് അദ്ദേഹം ആലോചിക്കട്ടെയെന്നും മന്ത്രി കൂട്ടിച്ചേർത്തു. വനംവകുപ്പ് ജീവനക്കാരുടെ തോന്നിയവാസത്തിന് അതിരില്ലെന്നും ഉദ്യോഗസ്ഥരുടെ മനസ് വന്യജീവികളേക്കാള് മോശമെന്നും പിവി അൻവർ ആരോപിച്ചിരുന്നു.

ഒരു ഉദ്യോഗസ്ഥനും ജനപ്രതിനിധികളെ പേടിയില്ലെന്നും ആവാസ വ്യവസ്ഥയും പ്രകൃതിയും മാത്രം മതി എന്നാണ് ഉദ്യോഗസ്ഥരുടെ വിചാരമെന്നും അദ്ദേഹം കുറ്റപ്പെടുത്തി. മന്ത്രി എ കെ ശശീന്ദ്രൻ ഇതെല്ലാം ഉൾക്കൊള്ളുന്ന മനുഷ്യനാണെന്നും എന്നാൽ മന്ത്രിയുടെ ഇടപെടൽ ഒന്നും പൂർണതയിൽ എത്തിയിട്ടില്ലെന്നും അൻവർ വേദിയിൽ പറഞ്ഞു.

ഇതിനു മറുപടിയായി മന്ത്രി എ കെ ശശീന്ദ്രൻ പറഞ്ഞത്, ഇതൊന്നും കേട്ട് വികാരം കൊള്ളുകയോ ദുഃഖം തോന്നുകയോ ചെയ്യുന്ന ആളല്ല താനെന്നാണ്. അതിനുമാത്രമുള്ള പക്വത ഇത്രയും കാലത്തെ രാഷ്ട്രീയ പ്രവർത്തനം കൊണ്ട് നേടിയിട്ടുണ്ടെന്നും മന്ത്രി വ്യക്തമാക്കി.

രാജിക്ക് പിന്നിൽ ഗൂഢാലോചനയെന്ന് കെ.എൻ. രാജണ്ണ; കൂടുതൽ വിവരങ്ങൾ ഉടൻ പുറത്തുവിടുമെന്ന്

അദ്ദേഹത്തെക്കാൾ പ്രായം കൂടിയത് കൊണ്ടാണ് ഉപദേശിക്കുന്നതെന്നും, പറഞ്ഞ കാര്യങ്ങളല്ല പ്രധാനം, ഇങ്ങനെയാണോ പറയേണ്ടത് എന്നതാണെന്നും മന്ത്രി കൂട്ടിച്ചേർത്തു. അറിയേണ്ടതെല്ലാം മുഖ്യമന്ത്രി അറിയുമെന്നും, അദ്ദേഹത്തെപ്പോലെയുള്ള എംഎൽഎയ്ക്ക് അതേ ഭാഷയിൽ മറുപടി പറയാൻ താൻ ഇതുവരെ പഠിച്ചിട്ടില്ലെന്നും മന്ത്രി പറഞ്ഞു.

Story Highlights: Forest Minister AK Saseendran criticizes PV Anwar MLA’s speech, urging reflection on appropriateness of statements

എം.വി. ഗോവിന്ദന്റെ മകനെതിരായ പരാതിയില് സി.പി.ഐ.എം പ്രതിരോധത്തിലോക്ക് ?