PV Anvar MLA criticizes forest department and Minister AK Saseendran

നിലമ്പൂർ വനംവകുപ്പിന്റെ പരിപാടിയിൽ മന്ത്രി എ കെ ശശീന്ദ്രനെ വേദിയിലിരുത്തിക്കൊണ്ട് പിവി അൻവർ എംഎൽഎ വനം വകുപ്പിനെതിരെ ശക്തമായി ആഞ്ഞടിച്ചു. വനംവകുപ്പ് ജീവനക്കാരുടെ തോന്നിയവാസത്തിന് അതിരില്ലെന്നും ഉദ്യോഗസ്ഥരുടെ മനസ് വന്യജീവികളേക്കാള് മോശമെന്നും അദ്ദേഹം ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വനം വകുപ്പിലെ ഒരു ഉദ്യോഗസ്ഥൻ മരിച്ചിട്ട് DFO ഓഫീസിൽ പൊതുദർശനത്തിന് വെക്കാൻ പോലും സമ്മതിച്ചില്ലെന്നും അൻവർ കുറ്റപ്പെടുത്തി. ഒരു ഉദ്യോഗസ്ഥനും ജനപ്രതിനിധികളെ പേടിയില്ലെന്നും ആവാസ വ്യവസ്ഥയും പ്രകൃതിയും മാത്രം മതിയെന്നാണ് ഉദ്യോഗസ്ഥരുടെ വിചാരമെന്നും അൻവർ പറഞ്ഞു.

എന്നാൽ മനുഷ്യരും കൂടെ വേണമെന്ന് അദ്ദേഹം ഓർമ്മിപ്പിച്ചു. ഓസ്ട്രേലിയയിൽ കങ്കാരുക്കളെ കൊല്ലാൻ തോക്ക് നൽകിയതുപോലെ ലോക രാജ്യങ്ങൾ കാലത്തിന് അനുസരിച്ച് നിയമങ്ങൾ പരിഷ്കരിച്ചതായും അദ്ദേഹം ചൂണ്ടിക്കാട്ടി.

വേദിയിൽ വനം മന്ത്രിക്ക് നേരെയും അൻവർ വിമർശനം ഉന്നയിച്ചു. മലയോര ഹൈവേക്കായി ലൈഫ് പദ്ധതിയിലൂടെ വീട് കിട്ടിയവർ പോലും സ്ഥലം വിട്ട് നൽകിയെങ്കിലും വനം വകുപ്പ് ഒരിഞ്ച് ഭൂമി പോലും വിട്ട് തന്നിട്ടില്ലെന്ന് അദ്ദേഹം പറഞ്ഞു.

മന്ത്രി എ കെ ശശീന്ദ്രന്റെ ഇടപെടൽ പൂർണതയിൽ എത്തിയിട്ടില്ലെന്നും ഇനിയുള്ള ഒന്നര വർഷം മനുഷ്യ സംരക്ഷണ വകുപ്പ് മന്ത്രിയായി അദ്ദേഹം പ്രവർത്തിക്കണമെന്നും അൻവർ ആവശ്യപ്പെട്ടു. പരിപാടി കഴിഞ്ഞ് പുറത്തിറങ്ങിയപ്പോൾ വാഹനം പാർക്ക് ചെയ്തതുമായി ബന്ധപ്പെട്ട് വനം വകുപ്പ് ഉദ്യോഗസ്ഥരുമായി അൻവർ തർക്കത്തിലേർപ്പെട്ടു.

ജനപ്രതിനിധികൾക്ക് സല്യൂട്ട് വേണ്ട; എം വിൻസന്റിന്റെ സബ്മിഷൻ നിയമസഭ തള്ളി

Story Highlights: PV Anvar MLA strongly criticizes forest department officials and Minister AK Saseendran during a forest department event in Nilambur

മുനമ്പം സമരപ്പന്തലിൽ ആഹ്ലാദം; വഖഫ് ഭേദഗതി ബിൽ ലോക്സഭയിൽ