ED to question CPI(M) leaders in Karuvannur Bank fraud case

കരുവന്നൂർ സഹകരണ ബാങ്ക് തട്ടിപ്പ് കേസിൽ എൻഫോഴ്സ്മെന്റ് ഡയറക്ടറേറ്റ് (ഇഡി) പുതിയ നീക്കങ്ങൾ നടത്തുന്നു. സിപിഐഎം നേതാക്കളെ ചോദ്യം ചെയ്യാൻ ഇഡി ഉടൻ നോട്ടീസ് അയക്കുമെന്നാണ് റിപ്പോർട്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അന്തിമ കുറ്റപത്രം സമർപ്പിക്കുന്നതിന് മുന്നോടിയായാണ് ഈ നടപടി. കേസന്വേഷണം ഇഴയുന്നതിൽ ഹൈക്കോടതി വിമർശനം ഉന്നയിച്ചതിന് പിന്നാലെയാണ് ഇഡിയുടെ ഈ നീക്കം.

അന്വേഷണം നീണ്ടുപോകുന്നതിനെതിരെ ഹൈക്കോടതി കടുത്ത വിമർശനമാണ് ഉന്നയിച്ചത്. എല്ലാക്കാലത്തും അന്വേഷണം ഇങ്ങനെ നീട്ടിക്കൊണ്ടുപോകാൻ പറ്റില്ലെന്നും നിക്ഷേപകരടക്കം അനേകം പേരെ ബാധിക്കുന്ന കാര്യമാണിതെന്നും കോടതി ചൂണ്ടിക്കാട്ടി.

കേസിൽ സിപിഐഎം നേതാക്കളുടെ സ്വത്തുക്കൾ ഇഡി കണ്ടുകെട്ടിയിരുന്നു. കരുവന്നൂർ കള്ളപ്പണ ഇടപാടിൽ സിപിഐഎം തൃശൂർ ജില്ലാ നേതൃത്വത്തിന്റെ അറിവും ഇടപാടിൽ പങ്കാളിത്തവും ഉണ്ടായിരുന്നെന്ന് അന്വേഷണത്തിൽ കണ്ടെത്തിയിരുന്നു.

ഈ സാഹചര്യത്തിലാണ് കേസ് പൊടി തട്ടിയെടുത്ത് ഇഡി പുതിയ നടപടികൾക്ക് തയ്യാറെടുക്കുന്നത്. സിപിഐഎം നേതാക്കളെ ചോദ്യം ചെയ്യുന്നതോടെ കേസിൽ പുതിയ വഴിത്തിരിവുണ്ടാകുമെന്നാണ് പ്രതീക്ഷിക്കുന്നത്.

എമ്പുരാൻ വിവാദം: ആവിഷ്കാര സ്വാതന്ത്ര്യത്തെ ചോദ്യം ചെയ്യുന്നെന്ന് ഡോ. ജോൺ ബ്രിട്ടാസ് എംപി

Story Highlights: ED to question CPI(M) leaders in Karuvannur Bank fraud case following High Court criticism

സിപിഐഎം റിപ്പോർട്ട്: മുതിർന്ന നേതാക്കളെ അവഗണിക്കരുത്, കൊഴിഞ്ഞുപോക്ക് ആശങ്കാജനകം