വെസ്റ്റേണ്‍ റെയില്‍വേയുടെ അപ്രന്റിസ് ഒഴിവുകളിലേക്ക് റെയില്‍വേ റിക്രൂട്ട്‌മെന്റ് സെല്‍ (RRC) അപേക്ഷ ക്ഷണിച്ചിരിക്കുന്നു. 5,066 ഒഴിവുകളാണ് നിലവിലുള്ളത്. സെപ്റ്റംബര്‍ 23 മുതല്‍ ഒക്ടോബര്‍ 22 വരെ rrc-wr.com എന്ന ഔദ്യോഗിക വെബ്‌സൈറ്റിലൂടെ അര്‍ഹരായ ഉദ്യോഗാര്‍ഥികള്‍ക്ക് അപേക്ഷകള്‍ സമര്‍പ്പിക്കാം.
അപേക്ഷകർക്ക് പത്താം ക്ലാസോ മെട്രികുലേഷനോ 50 ശതമാനം മാര്‍ക്കോടെ പാസായിരിക്കണം. ഒക്ടോബര്‍ 22 പ്രകാരം 15-നും 24-നുമിടയില്‍ പ്രായമുള്ളവർക്ക് അപേക്ഷിക്കാം. NCVT/SCVT അംഗീകരിച്ച ഐടിഐ സര്‍ട്ടിഫിക്കറ്റ് നിര്‍ബന്ധമായും സമര്‍പ്പിക്കണം.
മെറിറ്റ് ലിസ്റ്റിന്റെ അടിസ്ഥാനത്തിലായിരിക്കും ഉദ്യോഗാര്‍ഥികളെ തിരഞ്ഞെടുക്കുന്നത്. മെട്രികുലേഷന്റെയും ഐടിഐ പരീക്ഷയുടെയും മാര്‍ക്കുകള്‍ക്ക് തുല്യ പരിഗണന നല്‍കും. അവസാന ഘട്ടത്തില്‍ രേഖകളുടെ യഥാര്‍ഥ പകര്‍പ്പും മെഡിക്കല്‍ ഫിറ്റ്‌നസ് സര്‍ട്ടിഫിക്കറ്റും ഹാജരാക്കേണ്ടതാണ്.
Story Highlights: Railway Recruitment Cell invites applications for 5,066 Apprentice Vacancies in Western Railway, with applications open from September 23 to October 22.
