മുസ്ലിം ലീഗ് നിലമ്പൂർ മണ്ഡലം പ്രസിഡന്റ് ഇഖ്ബാൽ മുണ്ടേരിക്കെതിരെ നടപടി വേണ്ടെന്ന് മുസ്ലിം ലീഗ് തീരുമാനിച്ചു. പി വി അൻവറിനെ സ്വാഗതം ചെയ്ത് ഫേസ്ബുക്കിൽ പോസ്റ്റിട്ട ഇഖ്ബാൽ മുണ്ടേരിയുടെ വിശദീകരണം തൃപ്തികരമെന്നാണ് ലീഗിന്റെ വിലയിരുത്തൽ. മുസ്ലീം ലീഗ് ജനറൽ സെക്രട്ടറി പിഎംഎ സലാം ആണ് നടപടി വേണ്ടെന്ന നിലപാട് എടുത്തത്.
സംഭവത്തിൽ മുസ്ലിം ലീഗ് നേതൃത്വം ഇക്ബാൽ മുണ്ടേരിയോട് വിശദീകരണം തേടിയിരുന്നു. സ്വാഗതം ചെയ്തുകൊണ്ടുള്ള നിലപാടല്ല എടുത്തതെന്നും, ഇടതുപക്ഷ സർക്കാരിനെതിരായുള്ള പോരാട്ടത്തിൽ ഐക്യദാർഢ്യം പ്രഖ്യാപിക്കൽ മാത്രമാണ് ചെയ്തതെന്നുമാണ് ഇക്ബാലിന്റെ വിശദീകരണം. പാർട്ടി ആവശ്യപ്പെട്ട പ്രകാരം പോസ്റ്റ് പിൻവലിക്കുകയും ചെയ്തു.
പി വി അൻവർ പറയുന്ന പല കാര്യങ്ങളും സത്യമാണെന്നായിരുന്നു ഇക്ബാൽ മുണ്ടേരിയുടെ ഫേസ്ബുക് പോസ്റ്റ്. നാടിൻ്റെ നന്മക്ക് വേണ്ടി ഒരുമിച്ച് പോരാടാമെന്നും അദ്ദേഹം പി വി അൻവറിനോട് പറഞ്ഞു. വാർത്ത പുറത്ത് വന്നതിന് പിന്നാലെ ലീഗ് നേതാക്കളടക്കം പ്രതികരണവുമായി എത്തിയതിനെ തുടർന്നാണ് ഇക്ബാൽ മുണ്ടേരി പോസ്റ്റ് ഡിലീറ്റ് ചെയ്തത്.
Story Highlights: Muslim League decides not to take action against Iqbal Munderi for welcoming PV Anwar on Facebook
