Jammu Kashmir Assembly Elections: First Phase Sees High Turnout

ജമ്മു കാശ്മീരിലെ നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് ഇന്ന് നടക്കുകയാണ്. പത്തുവർഷങ്ങൾക്കുശേഷമാണ് സംസ്ഥാനത്ത് തെരഞ്ഞെടുപ്പ് നടക്കുന്നത്. 90 അംഗ നിയമസഭയിലേക്കുള്ള വാശിയേറിയ മത്സരത്തിൽ ആദ്യ മണിക്കൂറുകളിൽ തന്നെ മികച്ച പോളിംഗ് രേഖപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാവിലെ 11 മണിവരെ 26. 72% വോട്ടിംഗ് നടന്നതായി റിപ്പോർട്ടുകൾ സൂചിപ്പിക്കുന്നു. കഴിഞ്ഞ ദിവസങ്ങളിൽ ഉണ്ടായ ഭീകരാക്രമണങ്ങളുടെ പശ്ചാത്തലത്തിൽ അതീവ ജാഗ്രതയിലാണ് വോട്ടെടുപ്പ് പുരോഗമിക്കുന്നത്.

ആദ്യ ഘട്ടത്തിൽ 24 സീറ്റുകളിലാണ് വോട്ടെടുപ്പ് നടക്കുന്നത്. ഇതിൽ എട്ടെണ്ണം ജമ്മു മേഖലയിലെ മൂന്ന് ജില്ലകളിലും 16 എണ്ണം കശ്മീർ താഴ്വരയിലെ നാല് ജില്ലകളിലുമാണ്. തീവ്രവാദ ബാധിത പ്രദേശമായ ദോഡയിലും ചിനാബ് താഴ്വരയിലെ കിഷ്ത്വറിലും ഇന്ന് വോട്ടെടുപ്പ് നടക്കുന്നുണ്ട്.

അനുച്ഛേദം 370 റദ്ദാക്കിയ ശേഷമുള്ള ആദ്യ നിയമസഭാ തെരഞ്ഞെടുപ്പിൽ കനത്ത സുരക്ഷാക്രമീകരണങ്ങളാണ് ഏർപ്പെടുത്തിയിരിക്കുന്നത്. 3,276 പോളിങ് സ്റ്റേഷനുകളിലും സായുധരായ സുരക്ഷാ ഉദ്യോഗസ്ഥരെ വിന്യസിച്ചിട്ടുണ്ട്. മെഹബൂബ മുഫ്തിയുടെ മകൾ ഇല്ത്തിജ മുഫ്തി, CPIMകേന്ദ്ര കമ്മിറ്റി അംഗം മുഹമ്മദ് യൂസുഫ് തരിഗാമി, എഐസിസി ജനറൽ സെക്രട്ടറി ഗുലാം അഹമ്മദ് മിർ തുടങ്ങിയവരാണ് ആദ്യഘട്ടത്തിൽ ജനവിധി തേടുന്ന പ്രമുഖർ.

വഖഫ് ഭേദഗതി ബിൽ ഇന്ന് ലോക്സഭയിൽ

രണ്ടാം ഘട്ട വോട്ടെടുപ്പ് സെപ്റ്റംബർ 25 നും മൂന്നാം ഘട്ടം ഒക്ടോബർ 1 നും വോട്ടെണ്ണൽ ഒക്ടോബർ 8 നും നടക്കും.

Story Highlights: Jammu and Kashmir Assembly Elections: First phase polling sees good turnout amid tight security

ജമ്മു കശ്മീരിൽ സുരക്ഷാ സേനയും ഭീകരരും തമ്മിൽ ഏറ്റുമുട്ടൽ