പ്രധാനമന്ത്രി നരേന്ദ്രമോദിയുടെ ജന്മദിനത്തോടനുബന്ധിച്ച് രാഷ്ട്രീയ നേതാക്കൾ ആശംസകൾ അറിയിച്ചു. മുഖ്യമന്ത്രി പിണറായി വിജയൻ എക്സിൽ കുറിച്ചത് “ബഹുമാനപ്പെട്ട പ്രധാനമന്ത്രിക്ക് ഊഷ്മളമായ ജന്മദിനാശംസകൾ” എന്നാണ്. ആരോഗ്യവും സന്തോഷവും നേർന്നുകൊണ്ട് അദ്ദേഹം ആശംസ അറിയിച്ചു.
ലോക്സഭ പ്രതിപക്ഷ നേതാവ് രാഹുൽ ഗാന്ധിയും പ്രധാനമന്ത്രിക്ക് ആശംസകൾ നേർന്നു. “പ്രധാനമന്ത്രി നരേന്ദ്ര മോദിക്ക് എന്റെ ജന്മദിനാശംസകൾ. താങ്കൾക്ക് ആരോഗ്യവും ദീർഘായുസും നേരുന്നു” എന്നാണ് രാഹുൽ ഗാന്ധി എക്സിൽ കുറിച്ചത്. മറ്റ് പ്രതിപക്ഷ നേതാക്കളും അദ്ദേഹത്തിന് ആശംസകൾ അറിയിച്ചിട്ടുണ്ട്.
എഎപി ദേശീയ കൺവീനർ അരവിന്ദ് കെജ്രിവാളും നരേന്ദ്ര മോദിക്ക് ജന്മദിനാശംസകൾ നേർന്നു. “ബഹുമാനപ്പെട്ട പ്രധാനമന്ത്രി നരേന്ദ്ര മോദിക്ക് ഹൃദയം നിറഞ്ഞ ജന്മദിനാശംസകൾ. നിങ്ങൾക്ക് ദീർഘായുസും ആരോഗ്യവും നേരുന്നു” എന്ന് കെജ്രിവാൾ എക്സിൽ കുറിച്ചു. കോൺഗ്രസ് പ്രസിഡന്റ് മല്ലികാർജുൻ ഖാർഗെയും ആശംസകൾ അറിയിച്ചിട്ടുണ്ട്.
Story Highlights: Political leaders from various parties extend birthday wishes to Prime Minister Narendra Modi
