കെഎസ്ആർടിസിയിലെ ഈ ഓണക്കാലത്തെ താരം ഉഴമലയ്ക്കൽ പുതുക്കുളങ്ങര ചാരുമൂടുകാരൻ സിദ്ധാർത്ഥനാണ്. കഴിഞ്ഞ ജൂൺ 3ന് സിദ്ധാർത്ഥൻ കെഎസ്ആർടിസിയിലെ പ്രശ്നങ്ങളെല്ലാം പറഞ്ഞുകൊണ്ട് ഇന്ത്യൻ പ്രസിഡന്റിന് ഒരു അപേക്ഷ സമർപ്പിച്ചിരുന്നു. ശമ്പളവും ആനുകൂല്യവും കൃത്യമായി കിട്ടുന്നില്ല എന്നതായിരുന്നു അപേക്ഷയുടെ രത്നച്ചുരുക്കം. പ്രസിഡന്റ് ദ്രൗപതി മുർമുവിന് അയച്ച പരാതിയുടെ കോപ്പികൾ കേന്ദ്ര സർക്കാരിനും, സുപ്രീം കോർട്ട് രജിസ്ട്രാർ ജനറലിനും, കേരള സർക്കാരിനും അയച്ചിരുന്നു. ഈ അപേക്ഷ അയയ്ക്കുമ്പോൾ സിദ്ധാർത്ഥൻ അടക്കമുള്ള കെഎസ്ആർടിസിയിലെ ജീവനക്കാർക്ക് ആദ്യഗഡു ശമ്പളം മാത്രമേ ലഭിച്ചിട്ടുള്ളൂ.
എന്നാൽ, ഈ അപേക്ഷയ്ക്ക് പരിഹാരമായി ഈ ഓണക്കാലത്ത് ജീവനക്കാർക്കെല്ലാം ഒറ്റഗഡു ശമ്പളം കൈയ്യിൽ കിട്ടി എന്നതാണ് വസ്തുത. കെഎസ്ആർടിസി ജീവനക്കാരുടെ പ്രശ്നങ്ങൾ അറിയാൻ ഈ രാജ്യത്ത് ഇനി ഒരാളുമില്ല. ഇന്ത്യൻ പ്രസിഡന്റു വരെ അറിഞ്ഞിരിക്കുകയാണ്. ഇനിയുള്ള മാസങ്ങളിലെല്ലാം എങ്ങനെയെങ്കിലും മാസാദ്യം മുഴുവൻ ശമ്പളവും നൽകാനാണ് മാനേജ്മെന്റിന്റെ തീരുമാനം. ശമ്പളം ഒറ്റഗഡുവായി നൽകാൻ തീരുമാനമെടുത്തതിന്റെ ക്രെഡിറ്റ് വകുപ്പുമന്ത്രിക്കോ, സർക്കാരിനോ മാനേജ്മെന്റിനോ നൽകുന്നതിൽ അർത്ഥമില്ല.
അത് സിദ്ധാർത്ഥന്റെ അപേക്ഷയ്ക്കു തന്നെ നൽകുന്നതാണ് ഉചിതം. കാരണം, ഇത്രയും നാൾ ശമ്പളം ഗഡുക്കളായി കൊടുത്തവർ തന്നെയല്ലേ ഇക്കൂട്ടർ. അതിൽ സഹികെട്ടവരാണ് കെഎസ്ആർടിസി ജീവനക്കാർ. ഇപ്പോൾ സിദ്ധാർത്ഥൻ പ്രസിഡന്റിനും കേന്ദ്രസർക്കാരിനും, സുപ്രീം കോടതി രജിസ്ട്രാർ ജനറലിനും പരാതി അയച്ചതോടെ കാര്യങ്ങൾ കൈയ്യിൽ നിൽക്കില്ലെന്ന് ബന്ധപ്പെട്ടവർക്കു മനസ്സിലായി. കെഎസ്ആർടിസി വിഷയത്തിൽ പ്രസിഡന്റോ, സുപ്രീം കോടതിയോ, കേന്ദ്രസർക്കാരോ അഭിപ്രായം പറഞ്ഞാൽ അത്, കേരള സർക്കാരിന് വലിയ പേരുദോഷമാകും.
അതിനു മറുപടി പറേണ്ടി വരും. സർക്കാരിന്റെ മറുപടി, കെഎസ്ആർടിസി ലാഭകരമായി നടത്താനാവുന്നില്ല എന്നാണെങ്കിൽ കെഎസ്ആർടിസി പൂർണ്ണമായും സ്വകാര്യ വത്ക്കരിക്കേണ്ടി വരും. ഇതും സംസ്ഥാന സർക്കാരിന് ക്ഷീണമുണ്ടാക്കും. ഈ സാഹചര്യത്തിലാണ് മുഴുവൻ ശമ്പളവും ഏതു വിധേനയും എല്ലാ മാസവും മുടക്കമില്ലാതെ നൽകുമെന്ന പ്രഖ്യാപനം നടത്താൻ നിർബന്ധിതരായി മാറിയത്. ഇതാണ് വസ്തുത.
മറ്റെല്ലാ ന്യായങ്ങളും വരട്ടു തത്വങ്ങൾ മാത്രമാണ്. സിദ്ധാർത്ഥന്റെ പരാതിയിൻമേൽ എടുത്ത നടപടി അല്ലായിരുന്നുവെങ്കിൽ മാസങ്ങൾക്കു മുമ്പു തന്നെ ജീവനക്കാർക്ക് ഒറ്റത്തവണയായി ശമ്പളം നൽകാൻ സർക്കാരിനോ മാനേജ്മെന്റിനോ കഴിയുമായിരുന്നു. പക്ഷെ, അതുണ്ടായില്ല. ഇവിടെയാണ് സിദ്ധാർത്ഥന്റെ പരാതിയുടെ പ്രസക്തി വർദ്ധിക്കുന്നത്.
Story Highlights: KSRTC employee Siddharthan’s complaint to President leads to one-time salary distribution for Onam
വയനാട് പുൽപ്പള്ളി ചേകാടി ഗവ. എ.യു.പി സ്കൂളിലെ വിദ്യാർത്ഥികൾക്ക് ഭക്ഷ്യവിഷബാധ. കണ്ണൂരിൽ നിന്ന് Read more
ശബരിമല മണ്ഡല മകരവിളക്ക് ഉത്സവത്തിന്റെ എട്ടാം ദിവസവും സന്നിധാനത്ത് വലിയ തിരക്ക്. ഇന്നലെ Read more
ഡിവൈഎഫ്ഐ സംസ്ഥാന കമ്മിറ്റി സംഘടിപ്പിക്കുന്ന നെക്സ്റ്റ്-ജെൻ കേരള തിങ്ക് ഫെസ്റ്റ് 2026-ൻ്റെ ഭാഗമായ Read more
സംസ്ഥാനത്ത് സ്വർണവിലയിൽ വീണ്ടും വർധനവ്. ഇന്ന് ഒറ്റയടിക്ക് 1360 രൂപയാണ് ഉയർന്നത്. ഒരു Read more
കേരളത്തിലെ എസ്.ഐ.ആറിനെതിരായ ഹർജികൾ സുപ്രീംകോടതി വെള്ളിയാഴ്ച പരിഗണിക്കും. സംസ്ഥാന സർക്കാരും വിവിധ രാഷ്ട്രീയ Read more
ശബരിമലയിൽ ദർശനത്തിന് വൻ തിരക്ക് അനുഭവപ്പെടുന്നു. മണ്ഡല-മകരവിളക്ക് ഉത്സവത്തിനായി നട തുറന്ന ശേഷം Read more
കൊയിലാണ്ടിയിൽ ഇന്ന് വൈകുന്നേരം മകന്റെ വെട്ടേറ്റ് അമ്മയ്ക്ക് ഗുരുതര പരിക്ക്. മണമ്മലിൽ നടന്ന Read more
ശബരിമല തീർത്ഥാടനത്തിനുള്ള ഒരുക്കങ്ങൾ എങ്ങുമെത്തിയില്ല. പമ്പയിൽ ആവശ്യത്തിന് ശുചിമുറികൾ ഇല്ലാത്തതിനാൽ അയ്യപ്പഭക്തർ ദുരിതത്തിലായി. Read more
പി.എം ശ്രീ പദ്ധതിയുമായി ബന്ധപ്പെട്ട് സി.പി.ഐ.എം പോളിറ്റ് ബ്യൂറോ യോഗത്തിൽ കേരള ഘടകത്തിനെതിരെ Read more
കേരള സ്റ്റേറ്റ് റിസോഴ്സ് സെന്റർ കമ്മ്യൂണിറ്റി കോളേജ് 2026 ജനുവരി സെഷനിലേക്കുള്ള പ്രവേശനത്തിനായി Read more
