Film Shoot Turns Violent in Kozhikode, Production Manager Injured

കോഴിക്കോട് മലാപറമ്പിൽ സിനിമാ ചിത്രീകരണത്തിനിടെ ബൈക്കിൻ്റെ വാടകയെച്ചൊല്ലിയുള്ള തർക്കം സംഘർഷത്തിലും ആക്രമണത്തിലും കലാശിച്ചു. നടൻ ഷെയിൻ നിഗം നായകനായ ‘ഹാൽ’ സിനിമയുടെ ലൊക്കേഷനിലാണ് സംഭവം നടന്നത്. കോഴിക്കോട് സിവിൽ സ്റ്റേഷനു സമീപമുള്ള ഇഖ്റ ഹോസ്പിറ്റലിന് എതിർവശത്താണ് ഷൂട്ടിങ് നടന്നുകൊണ്ടിരുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അഞ്ചംഗ സംഘം സിനിമയുടെ സെറ്റിലേക്ക് അതിക്രമിച്ചു കയറി പെട്ടെന്ന് ആക്രമണം നടത്തുകയായിരുന്നു. സംഭവത്തിൽ പ്രൊഡക്ഷൻ മാനേജർ ടി. ടി.

ജിബു ഉൾപ്പെടെ നിരവധി പേർക്ക് പരുക്കേറ്റു. ജിബുവിനെ സംഘം കത്തികൊണ്ട് കുത്തുകയും ഗുരുതരമായി മർദ്ദിക്കുകയും ചെയ്തു. പരിക്കേറ്റ ജിബു ആശുപത്രിയിൽ ചികിത്സയിലാണ്.

സംഭവത്തിൽ അഞ്ചു പേർക്കെതിരെ കേസ് എടുത്തിട്ടുണ്ടെന്ന് നടക്കാവ് പൊലീസ് അറിയിച്ചു. ചിത്രീകരണത്തിനായി വാടകയ്ക്കെത്തിച്ച ബൈക്കുമായി ബന്ധപ്പെട്ടായിരുന്നു തർക്കം ആരംഭിച്ചതെന്ന് പൊലീസ് വ്യക്തമാക്കി. തുടർന്ന് സംഘർഷം രൂപപ്പെടുകയും അക്രമത്തിൽ കലാശിക്കുകയുമായിരുന്നു.

ഒറ്റപ്പാലത്ത് സംഘർഷം: എസ്ഐക്കും യുവാവിനും വെട്ടേറ്റു

സംഭവത്തിൽ അന്വേഷണം പുരോഗമിക്കുകയാണെന്നും പൊലീസ് അറിയിച്ചു.

Story Highlights: Film shoot in Kozhikode turns violent over bike rental dispute, production manager injured

ന്യൂനപക്ഷ കമ്മീഷൻ ഇടപെടൽ: വിദ്യാർത്ഥിനിയുടെ സർട്ടിഫിക്കറ്റുകൾ തിരികെ ലഭിച്ചു