Missing Malappuram groom-to-be found safe in Ooty after six days

മലപ്പുറത്ത് നിന്ന് കാണാതായ പ്രതിശ്രുത വരൻ വിഷ്ണുജിത്തിനെ ആറ് ദിവസത്തിന് ശേഷം ഊട്ടിയിൽ നിന്ന് കണ്ടെത്തി. മലപ്പുറം എസ്പി അറിയിച്ചതനുസരിച്ച് വിഷ്ണുജിത്ത് സുരക്ഷിതനാണ്. യുവാവിനൊപ്പം മലപ്പുറത്ത് നിന്നുള്ള പൊലീസ് സംഘം ഉണ്ടെന്നും തമിഴ്നാട് പൊലീസും സഹായിച്ചുവെന്നും എസ്പി വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്നലെ രാത്രി കുനൂരിൽ വച്ച് ഫോൺ ഓണായിരുന്നു. ഈ സൂചനയുടെ അടിസ്ഥാനത്തിൽ പൊലീസ് ഊട്ടിയിലേക്ക് പോവുകയും യുവാവിനെ കണ്ടെത്തുകയുമായിരുന്നു. മകനെ കണ്ടെത്തിയതിൽ സന്തോഷമുണ്ടെന്ന് അമ്മ ജയ പ്രതികരിച്ചു.

ഈ മാസം നാലിനാണ് മലപ്പുറം പള്ളിപ്പുറം സ്വദേശിയായ വിഷ്ണുജിത്തിനെ കാണാതായത്. കുറച്ച് പണം കിട്ടാനുണ്ടെന്നും ഉടൻ തിരിച്ച് വരാമെന്നും പറഞ്ഞാണ് വിഷ്ണുജിത്ത് നാലാം തീയതി പാലക്കാട്ടേക്ക് പോയത്. എന്നാൽ പിന്നീട് ഫോൺ സ്വിച്ച് ഓഫായി.

ഇക്കഴിഞ്ഞ ഞായറാഴ്ച വിവാഹം നടക്കേണ്ടതായിരുന്നു. മഞ്ചേരി സ്വദേശിയാണ് വധു. വിവാഹത്തിന് മൂന്ന് ദിവസം മുൻപ് പണത്തിൻ്റെ ആവശ്യത്തിനായി പാലക്കാടേക്ക് പോയ യുവാവ് പിന്നീട് തിരികെ വന്നില്ല.

ഗവർണർക്കെതിരായ സുപ്രീംകോടതി വിധി: തമിഴ്നാടിന്റെ വിജയമെന്ന് എം.കെ. സ്റ്റാലിൻ

നാലാം തീയതി വിഷ്ണു പാലക്കാട് ബസ്റ്റാന്റിൽ നിന്നും കോയമ്പത്തൂരിലേക്കുള്ള ബസ് കയറുന്ന സിസിടിവി ദൃശ്യം പുറത്ത് വന്നിരുന്നു.

Story Highlights: Missing groom-to-be from Malappuram found safe in Ooty after six days

വാൽപ്പാറയിൽ കാട്ടുപോത്ത് ആക്രമണം: രണ്ട് തോട്ടം തൊഴിലാളികൾക്ക് ഗുരുതര പരിക്ക്