മണിപ്പൂരിലെ രാജ്ഭവന് മുന്നിൽ നടന്ന വിദ്യാർത്ഥി പ്രതിഷേധം വൻ സംഘർഷത്തിൽ കലാശിച്ചു. സുരക്ഷാ ഉപദേഷ്ടാവിനെയും ഡിജിപിയെയും മാറ്റണമെന്ന ആവശ്യമുന്നയിച്ചാണ് വിദ്യാർത്ഥികൾ പ്രതിഷേധിച്ചത്. പ്രതിഷേധക്കാർ രാജ്ഭവനു നേരെ കല്ലെറിയുകയും സിആർപിഎഫിന്റെ വാഹനം ആക്രമിക്കുകയും ചെയ്തു. ഡെപ്യൂട്ടി കമ്മീഷണർ ഓഫീസിലെ ദേശീയ പതാക അഴിച്ചുമാറ്റി മറ്റൊരു പതാക സ്ഥാപിക്കുകയും ചെയ്തു.
അതേസമയം, ഇംഫാൽ വെസ്റ്റിലെ കൗത്രക്കിൽ വീണ്ടും ഡ്രോൺ ആക്രമണമുണ്ടായി. ഈ ആക്രമണത്തിൽ നിരവധി വീടുകളും വാഹനങ്ങളും കത്തി നശിച്ചു. എന്നാൽ ആളപായം റിപ്പോർട്ട് ചെയ്തിട്ടില്ല. ഇംഫാൽ വെസ്റ്റിലെ സെക്മയിൽ ഒരു വിമുക്തഭടനെ കൊല്ലപ്പെട്ട നിലയിൽ കണ്ടെത്തി. അബന്ധത്തിൽ ബഫർസോൺ കടന്ന ആളെ മർദിച്ച് കൊലപ്പെടുത്തിയെന്നാണ് സൂചന.
സംഘർഷം തുടരുന്ന സാഹചര്യത്തിൽ വിദ്യാഭ്യാസ സ്ഥാപനങ്ങൾക്ക് മണിപ്പൂർ സർക്കാർ രണ്ട് ദിവസത്തെ അവധി പ്രഖ്യാപിച്ചു. സ്ഥിതിഗതികൾ നിയന്ത്രണവിധേയമാക്കാൻ സുരക്ഷാസേന ശ്രമിച്ചുകൊണ്ടിരിക്കുകയാണ്. മണിപ്പൂർ വിഷയത്തിൽ പ്രധാനമന്ത്രിയുടെ നിസ്സംഗത പൊറുക്കാൻ കഴിയില്ലെന്ന് പ്രിയങ്ക ഗാന്ധി കുറ്റപ്പെടുത്തി.
Story Highlights: Manipur students protest escalates into violence, drone attacks reported
