ഹൈദരാബാദ് വിമാനത്താവള പൊലീസ് നടൻ വിനായകനെതിരെ കേസെടുത്തു. സിഐഎസ്എഫ് ഉദ്യോഗസ്ഥരുടെ പരാതിയെ തുടർന്നാണ് നടപടി. മദ്യപിച്ച് ബഹളം വെച്ചതിനും പൊതുസ്ഥലത്ത് മോശമായി പെരുമാറിയതിനുമാണ് കേസ്. സ്റ്റേഷൻ ജാമ്യം ലഭിക്കാവുന്ന വകുപ്പുകളാണ് ചുമത്തിയിരിക്കുന്നത്.
ഇന്ന് വൈകിട്ട് ഗോവയിലേക്ക് പോകാനായി ഹൈദരാബാദ് വിമാനത്താവളത്തിലെത്തിയ നടൻ, വനിതാ സെക്യൂരിറ്റി ഉദ്യോഗസ്ഥയോട് മോശമായി പെരുമാറിയെന്നാണ് പൊലീസ് പറയുന്നത്. ബഹളം കേട്ടെത്തിയ സിഐഎസ്എഫ് ഉദ്യോഗസ്ഥരോടും വിനായകൻ കയർത്ത് സംസാരിച്ചു. തുടർന്ന് ഇരുകൂട്ടരും തമ്മിൽ ഉന്തും തള്ളുമുണ്ടായി. ഇതിനുശേഷമാണ് സിഐഎസ്എഫ് പൊലീസിനെ വിളിച്ചുവരുത്തിയത്.
കൊച്ചിയിൽ നിന്ന് ഗോവയിലേക്കുള്ള യാത്രയ്ക്കിടെയായിരുന്നു സംഭവം. നേരത്തെ, ഹൈദരാബാദ് വിമാനത്താവളത്തിൽ വെച്ച് സിഐഎസ്എഫ് ഉദ്യോഗസ്ഥർ വിനായകനെ കയ്യേറ്റം ചെയ്തിരുന്നു. ഈ സംഭവത്തിന്റെ ദൃശ്യങ്ങൾ പുറത്തുവന്നിരുന്നു. ഇതിനെ തുടർന്നുള്ള സംഭവങ്ങളിലാണ് ഇപ്പോൾ നടനെതിരെ കേസെടുത്തിരിക്കുന്നത്.
Story Highlights: Hyderabad police file case against actor Vinayakan for misbehavior at airport
