Haryana Gau Rakshak Apologizes for Killing Brahmin Student

ഹരിയാനയിൽ പശുക്കടത്തുകാരനെന്ന് തെറ്റിദ്ധരിച്ച് 12-ാം ക്ലാസുകാരനെ കൊലപ്പെടുത്തിയ സംഭവത്തിൽ ഗോരക്ഷാസേനയിലെ അംഗം കുട്ടിയുടെ പിതാവിനോട് മാപ്പുചോദിച്ചു. കൊല്ലപ്പെട്ട കുട്ടിയുടെ പിതാവ് സിയാനന്ദ് മിശ്ര ദി പ്രിന്റിനോട് പറഞ്ഞതനുസരിച്ച്, ബജ്റംഗ് ദള് പ്രവര്ത്തകനും ഹരിയാനയിലെ ഗോരക്ഷാ സേനയിലെ അംഗവുമായ അനില് കൗശിക്കാണ് ഓഗസ്റ്റ് 27ന് തന്നോട് മാപ്പുചോദിച്ചത്. മുസ്ലീമാണെന്ന് തെറ്റിദ്ധരിച്ചാണ് വെടിയുതിര്ത്തതെന്നും കൊന്നത് ബ്രാഹ്മണനെന്ന് അറിഞ്ഞപ്പോള് ഒരുപാട് ഖേദം തോന്നിയെന്നും പ്രതി തന്റെ കാലില് വീണ് പറഞ്ഞതായി സിയാനന്ദ് വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ മാസം 24നാണ് കൗശികും സംഘവും സുഹൃത്തുക്കള്ക്കൊപ്പം കാറില് പോകുകയായിരുന്ന ആര്യനുനേരെ വെടിയുതിര്ത്തത്. പശുക്കടത്തുകാര് കാറില് രക്ഷപ്പെടുന്നു എന്ന വിവരം കേട്ട് തെറ്റിദ്ധരിച്ചാണ് ഇവര് ആര്യനെ കൊലപ്പെടുത്തിയത്. മുസ്ലീമാണെന്ന് തെറ്റിദ്ധരിച്ചാണ് മകനെ കൊന്നതെന്ന് കൂടി കേട്ടതോടെ ശക്തമായ എതിര്പ്പുമായി സിയാനന്ദ് മിശ്ര രംഗത്തെത്തി.

ഗോരക്ഷകര് എന്ന പേരില് ഒരു കൂട്ടം ആളുകള് നിയമം കൈയിലെടുക്കുന്നതിലെ കനത്ത അമര്ഷവും വേദനയും സിയാനന്ദ് പങ്കുവച്ചു. പശുക്കളുടെ പേരില് നടക്കുന്ന ഈ നിയമവിരുദ്ധ പ്രവര്ത്തനങ്ങള് എത്രയും പെട്ടെന്ന് അവസാനിപ്പിക്കണമെന്നും അദ്ദേഹം ആവശ്യപ്പെട്ടു. സംഭവവുമായി ബന്ധപ്പെട്ട് അനില് കൗശിക്, വരുണ്, കൃഷ്ണ, ആദേഷ്, സൗരഭ് എന്നിവര് അറസ്റ്റിലായിട്ടുണ്ട്.

കേരള സർവകലാശാല അക്കാദമിക് കൗൺസിൽ യോഗം വിസി മാറ്റിവെച്ചതിൽ പ്രതിഷേധം

അക്രമികള് ലൈസന്സ് ഇല്ലാത്ത തോക്കാണ് ഉപയോഗിച്ചിരുന്നത്. ആര്യന്റെ കാര് ഡല്ഹി- ആഗ്ര ദേശീയ പാതയിലൂടെ പോകുമ്പോള് 30 കിലോമീറ്ററുകളോളം കാറിനെ പിന്തുടര്ന്നാണ് ഗോരക്ഷാ സംഘം വെടിയുതിര്ത്തത്. ആര്യന്റെ കഴുത്തിനാണ് വെടിയേറ്റത്.

ആര്യനെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. ഈ സംഭവം ബജ്റംഗ് ദളിനുള്ളിലും വലിയ വിമര്ശനങ്ങള്ക്ക് വഴിവച്ചു.

Story Highlights: Gau rakshak regrets killing Brahmin student mistaken for cattle smuggler in Haryana

ടെന്നീസ് അക്കാദമി അടച്ചുപൂട്ടാൻ വിസമ്മതിച്ചു; ഹരിയാനയിൽ ടെന്നീസ് താരം രാധികയെ പിതാവ് വെടിവെച്ച് കൊന്നു