Karipur Gold Smuggling: Inside Kondotty Jewellery's Smelting Process

കരിപ്പൂർ വിമാനത്താവളവുമായി ബന്ധപ്പെട്ട സ്വർണക്കടത്ത് കേസിൽ പുതിയ വഴിത്തിരിവ്. കൊണ്ടോട്ടിയിലെ അശ്വതി ജ്വല്ലറി വർക്ക്സിലാണ് സർക്കാരിന്റെ അനുമതിയോടെ പിടിച്ചെടുത്ത സ്വർണം ഉരുക്കുന്നതെന്ന് വ്യക്തമായി. കരിപ്പൂർ എയർപോർട്ടുമായി ബന്ധപ്പെട്ട് സ്വർണം ഉരുക്കാൻ അനുമതിയുള്ള ഏക സ്ഥാപനമാണിത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇലക്ട്രോണിക് ഉപകരണങ്ങൾക്കുള്ളിലോ ദ്രാവക രൂപത്തിലോ വസ്ത്രങ്ങൾക്കുള്ളിലോ കടത്തിയ സ്വർണമാണ് ഇവിടെ എത്തുന്നത്. സ്വർണം ഉരുക്കുന്ന പ്രക്രിയ സങ്കീർണമാണ്. ആദ്യം ഇലക്ട്രോണിക് ഉപകരണം ഉപയോഗിച്ച് സ്വർണം തൂക്കും.

പിന്നീട് മൂശയിലിട്ട് ഉയർന്ന താപനിലയിൽ ചൂടാക്കി ഉരുക്കും. ഉരുകിയ സ്വർണം വെള്ളത്തിലിട്ട് തണുപ്പിച്ച ശേഷം വീണ്ടും തൂക്കി അളവും മാലിന്യങ്ങളുടെ അളവും കണക്കാക്കും. ഈ പ്രക്രിയയിൽ ഒരു തരി സ്വർണം പോലും എടുക്കാൻ കഴിയില്ലെന്ന് ജീവനക്കാർ വ്യക്തമാക്കി.

സ്വർണക്കടത്ത് സംഘത്തിൽ നിന്ന് പിടികൂടിയ സ്വർണം രൂപമാറ്റം വരുത്തി കടത്തിയെന്ന പി. വി. അൻവർ എംഎൽഎയുടെ ആരോപണം നിരാകരിച്ച് കൊണ്ടോട്ടിയിലെ അപ്രൈസർ ഉണ്ണി രംഗത്തെത്തി.

യശ്വന്ത് വർമ്മയുടെ ജുഡീഷ്യൽ ചുമതലകൾ പിൻവലിച്ചു

കൃത്യമായ കണക്ക് പോലീസിന്റെയും കസ്റ്റംസിന്റെയും ഭാഗത്തുണ്ടാകുമെന്നും അവർ ഫോട്ടോ എടുക്കുമെന്നും അദ്ദേഹം വ്യക്തമാക്കി. ഇതിനാൽ യാതൊരു തരത്തിലുള്ള കൃത്രിമവും കാണിക്കാൻ സാധിക്കില്ലെന്നും അദ്ദേഹം കൂട്ടിച്ചേർത്തു.

Story Highlights: Twentyfour reporter investigates gold smuggling case at Kondotty jeweller

കരിപ്പൂർ വിമാനത്താവളത്തിൽ 35 ലക്ഷത്തിന്റെ സ്വർണം പിടികൂടി