സർക്കാർ എഡിജിപി എം.ആർ.അജിത് കുമാറിനെതിരായ അന്വേഷണത്തിന് പ്രത്യേക സംഘത്തെ നിയോഗിച്ച് ഉത്തരവിറക്കി. മുഖ്യമന്ത്രി അന്വേഷണം പ്രഖ്യാപിച്ച് പതിനൊന്ന് മണിക്കൂർ കഴിഞ്ഞാണ് പ്രത്യേക അന്വേഷണ സംഘത്തെ നിശ്ചയിച്ച് വാർത്താ കുറിപ്പ് പുറത്തിറക്കിയത്. ഡിജിപി ഷെയ്ഖ് ദർവേഷ് സാഹിബ് ആയിരിക്കും ആരോപണങ്ങൾ അന്വേഷിക്കുക. എഡിജിപിക്കെതിരായ അന്വേഷണത്തിൽ താഴ്ന്ന റാങ്കിലുള്ള ഉദ്യോഗസ്ഥരും ഉൾപ്പെടുന്നുണ്ട്.
പിവി അൻവർ എം.ആർ അജിത് കുമാറിനെതിരെ ഉയർത്തിയത് ഫോൺ ചോർത്തൽ, കൊലപാതകം, സ്വർണ്ണക്കടത്ത് സംഘവുമായുള്ള ബന്ധം തുടങ്ങിയ ഗുരുതര ആരോപണങ്ങളാണ്. ഈ ആരോപണങ്ങളുടെ പശ്ചാത്തലത്തിൽ, തൽസ്ഥാനത്ത് നിന്ന് മാറി നിൽക്കാമെന്നും വിശദമായ അന്വേഷണം വേണമെന്നും എം.ആർ അജിത് കുമാർ മുഖ്യമന്ത്രിയോട് രേഖാമൂലം ആവശ്യപ്പെട്ടതായി വ്യക്തമാക്കിയിരുന്നു.
ക്രമസമാധാന ചുമതലയുള്ള എഡിജിപിയും ആരോപണ വിധേയനായ പൊളിറ്റിക്കൽ സെക്രട്ടറി പി ശശിയും തൽസ്ഥാനത്ത് തുടരുമ്പോൾ തന്നെയാണ് അവർക്ക് കീഴിലുള്ള ഉദ്യോഗസ്ഥർ അടങ്ങിയ സംഘത്തിന് അന്വേഷണ ചുമതല നൽകിയിരിക്കുന്നത്. ഇത് അന്വേഷണത്തിന്റെ നിഷ്പക്ഷതയെക്കുറിച്ച് ചോദ്യങ്ങൾ ഉയർത്തുന്നു.
Story Highlights: Kerala government forms special team to investigate allegations against ADGP M.R. Ajith Kumar
