പശ്ചിമ ബംഗാൾ നിയമസഭയുടെ പ്രത്യേക സമ്മേളനം ഇന്ന് ചേരുന്നു. ബലാത്സംഗ കൊലപാതക കേസുകളിലെ പ്രതികൾക്ക് വധശിക്ഷ ഉറപ്പാക്കുന്ന ബിൽ പാസാക്കുന്നതിനായാണ് ഈ സമ്മേളനം. മുഖ്യമന്ത്രി മമതാ ബാനർജി നാളെ നിയമസഭയിൽ ബില്ല് അവതരിപ്പിക്കും. ബലാത്സംഗ കേസുകളിലെ പ്രതികൾക്ക് ജീവപര്യന്തം തടവും, ബലാത്സംഗ-കൊലപാതക കേസുകളിൽ പ്രതികൾക്ക് വധശിക്ഷയും ഉറപ്പാക്കുന്നതാണ് ബില്ലെന്നാണ് സൂചന.
എന്നാൽ, ഈ നീക്കത്തെ ബിജെപി വിമർശിച്ചിരിക്കുകയാണ്. നിലവിലെ പ്രതിഷേധങ്ങളിൽ നിന്നും ജനശ്രദ്ധ തിരിക്കാനുള്ള പാഴ് ശ്രമമാണ് ബില്ലെന്ന് അവർ ആരോപിച്ചു. ബിജെപി ജില്ല മജിസ്റ്റ്ട്രേട്ട് ഓഫീസുകളിലേക്ക് മാർച്ച് പ്രഖ്യാപിച്ചിട്ടുണ്ട്. അതേസമയം, കൊല്ലപ്പെട്ട ഡോക്ടർക്ക് നീതി ലഭിക്കണമെന്നാവശ്യപ്പെട്ട് ഡോക്ടർമാർ പൊലീസ് ആസ്ഥാനത്തേക്ക് മാർച്ച് നടത്തും.
പശ്ചിമ ബംഗാളിൽ ആരോഗ്യപ്രവർത്തകർക്ക് നേരെയുള്ള അതിക്രമങ്ങൾ വർധിച്ചുവരുന്നതായി റിപ്പോർട്ടുകളുണ്ട്. ബിർഭും ജില്ലയിലെ സർക്കാർ ആശുപത്രിയിൽ ഒരു ഡ്യൂട്ടി നഴ്സിനെതിരെ ലൈംഗികാതിക്രമം നടന്നതായി പരാതി ഉയർന്നിരുന്നു. രോഗിയെ പരിചരിക്കുന്നതിനിടെ അയാൾ നഴ്സിനെ മോശമായി സ്പർശിക്കുകയും അപമര്യാദയായി പെരുമാറുകയും ചെയ്തതായി പരാതിയിൽ പറയുന്നു. സംഭവത്തിൽ പ്രതിയെ പൊലീസ് അറസ്റ്റ് ചെയ്തിട്ടുണ്ട്.
Story Highlights: West Bengal Assembly to pass bill ensuring death penalty for rape-murder convicts
