P Jayarajan raises Vaidekam Resort issue in CPM state committee

സിപിഐഎം സംസ്ഥാന കമ്മിറ്റിയിൽ വൈദേഹം റിസോർട്ട് വിവാദം വീണ്ടും ഉയർത്തി പി ജയരാജൻ. ഇപി ജയരാജനെതിരെ പാർട്ടിക്ക് ലഭിച്ച പരാതിയിൽ എന്ത് നടപടിയുണ്ടായെന്ന് അദ്ദേഹം ചോദിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാന സെക്രട്ടറി എംവി ഗോവിന്ദൻ, പരാതി ഇതുവരെ പരിഗണിച്ചിട്ടില്ലെന്ന് മറുപടി നൽകി. 2022-ലാണ് വൈദേഹം റിസോർട്ടുമായി ബന്ധപ്പെട്ട വിഷയങ്ങൾ പി ജയരാജൻ സംസ്ഥാന സമിതിയിൽ ആദ്യം ഉന്നയിച്ചത്.

റിസോർട്ടിന്റെ മറവിൽ വഴിവിട്ട ബന്ധങ്ങളും അനധികൃത സ്വത്ത് സമ്പാദനവും ഉണ്ടെന്നായിരുന്നു അന്ന് അദ്ദേഹം ആരോപിച്ചത്. ഇപ്പോൾ, ഈ വിഷയത്തിൽ നടപടിയുണ്ടായില്ലേ എന്നാണ് പി ജയരാജൻ വീണ്ടും ചോദിച്ചിരിക്കുന്നത്.

എന്നാൽ, ഇപി ജയരാജനെതിരെ എന്തിന്റെ പേരിലാണ് നടപടിയെടുത്തതെന്ന് സംസ്ഥാന കമ്മിറ്റിയിൽ വ്യക്തമാക്കിയില്ല. സംസ്ഥാന സെക്രട്ടറിയേറ്റിൽ വച്ചാണ് ഇപി നടപടിയെക്കുറിച്ച് അറിഞ്ഞത്.

കേന്ദ്ര കമ്മിറ്റി അംഗമെന്ന പരിഗണന പോലും ലഭിച്ചില്ലെന്ന് അദ്ദേഹം പരാതിപ്പെട്ടു. നടപടിയിൽ അതൃപ്തനായ ഇപി ജയരാജൻ, ചിന്ത ഫ്ലാറ്റിലെ മുറി ഒഴിഞ്ഞ് എയർ ഇന്ത്യ എക്സ്പ്രസിൽ കണ്ണൂരിലേക്ക് മടങ്ങിയിരുന്നു.

മാസപ്പടി വിവാദം: മുഖ്യമന്ത്രി രാജിവെക്കണമെന്ന് വി. മുരളീധരൻ

Story Highlights: P Jayarajan raises Vaidekam Resort controversy again in CPM state committee

മാസപ്പടി വിവാദം: മുഖ്യമന്ത്രി രാജിവെക്കണമെന്ന് വി. മുരളീധരൻ