കേരളത്തിൽ കൂടുതൽ ജില്ലകളിൽ യെല്ലോ അലർട്ട്; വ്യാപക മഴയ്ക്ക് സാധ്യത

കേരളത്തിലെ മഴ സ്ഥിതിയിൽ വീണ്ടും മാറ്റമുണ്ടായിരിക്കുന്നു. കൂടുതൽ ജില്ലകളിൽ യെല്ലോ അലർട്ട് പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം, തൃശ്ശൂർ, പാലക്കാട് എന്നീ ജില്ലകൾ ഒഴികെയുള്ള 10 ജില്ലകളിലാണ് യെല്ലോ അലർട്ട് നിലവിലുള്ളത്.

വടക്ക് കിഴക്കൻ അറബിക്കടലിലും പാകിസ്ഥാൻ തീരത്തിനും മുകളിലായി സ്ഥിതിചെയ്യുന്ന അസ്ന ചുഴലിക്കാറ്റ് ഇന്ത്യൻ തീരത്തുനിന്ന് അകന്നു പോകുന്നതായി കാലാവസ്ഥാ വകുപ്പ് അറിയിച്ചു. നാളെ രാവിലെയോടെ ഇത് തീവ്ര ന്യൂനമർദമായി ശക്തി കുറയാനാണ് സാധ്യത. അതേസമയം, തെക്കൻ ഒഡിഷയ്ക്കും തെക്കൻ ഛത്തീസ്ഗഡിനും മുകളിൽ സ്ഥിതി ചെയ്യുന്ന തീവ്ര ന്യൂനമർദ്ദം അടുത്ത 24 മണിക്കൂറിനുള്ളിൽ തെക്കൻ ഛത്തീസ്ഗഡ് വിദർഭയ്ക്ക് മുകളിൽ ശക്തി കൂടിയ ന്യൂനമർദ്ധമായി മാറാൻ സാധ്യതയുണ്ടെന്നും കാലാവസ്ഥാ വകുപ്പ് പ്രവചിക്കുന്നു.

ഈ കാലാവസ്ഥാ മാറ്റങ്ങളുടെ ഫലമായി അടുത്ത ഏഴു ദിവസങ്ങളിൽ സംസ്ഥാനത്ത് വ്യാപകമായ മഴയ്ക്ക് സാധ്യതയുണ്ട്. കേരള-കർണാടക തീരങ്ങളിൽ നിലനിൽക്കുന്ന മത്സ്യബന്ധന വിലക്ക് തുടരുന്നതായും അറിയിച്ചിട്ടുണ്ട്. സെപ്തംബർ മാസത്തിൽ കേരളത്തിൽ പതിവിലും കൂടുതൽ മഴ ലഭിക്കുമെന്നാണ് കാലാവസ്ഥാ വകുപ്പിന്റെ പ്രവചനം.

Story Highlights: Yellow alert issued in 10 districts of Kerala due to heavy rainfall forecast