KC Venugopal Slams CPI(M) for EP Jayarajan's Removal

സിപിഐഎം നേതാവ് ഇപി ജയരാജനെ ബലിയാടാക്കിയെന്ന് എഐസിസി ജനറൽ സെക്രട്ടറി കെസി വേണുഗോപാൽ ആരോപിച്ചു. മുഖ്യമന്ത്രി അറിയാതെ പ്രകാശ് ജാവഡേക്കറുമായി ഇപി കൂടിക്കാഴ്ച നടത്തില്ലെന്ന് അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തലസ്ഥാന നഗരിയിൽ മുഖ്യമന്ത്രിയുടെ അറിവില്ലാതെ ഇത്തരം കൂടിക്കാഴ്ചകൾ നടക്കില്ലെന്നും, മുഖ്യമന്ത്രിയുടെ മൂക്കിന് താഴെ നടന്ന കാര്യങ്ങൾക്ക് അന്നൊന്നും നടപടി എടുക്കാതെ ഇപ്പോൾ നടപടി എടുക്കുന്നത് കണ്ണിൽ പൊടിയിടാനാണെന്നും വേണുഗോപാൽ കുറ്റപ്പെടുത്തി. എത്രയോ വർഷങ്ങൾക്ക് മുൻപാണ് ഇപി പ്രകാശ് ജാവഡേക്കറെ കണ്ടതെന്നും, അതിന് ഇപ്പോഴാണോ നടപടി എടുക്കുന്നതെന്നും കെസി വേണുഗോപാൽ ചോദിച്ചു.

സിപിഐഎമ്മും ബിജെപിയും തമ്മിലുള്ള ബന്ധം തെരഞ്ഞെടുപ്പ് കാലത്ത് ഉണ്ടായതാണെന്നും, അന്ന് നടന്നത് പാർട്ടിയുമായിട്ടുള്ള ഡീലിങാണെന്നും അദ്ദേഹം വ്യക്തമാക്കി. എഡിജിപിക്കെതിരായ ആരോപണം ഗുരുതരമാണെന്നും, എംഎൽഎ പറഞ്ഞത് തെറ്റാണെങ്കിൽ തെറ്റാണെന്ന് പറയാനുള്ള ആർജ്ജവം കാണിക്കണമെന്നും അദ്ദേഹം ആവശ്യപ്പെട്ടു.

നെഹ്റു ട്രോഫി വള്ളംകളി ആലപ്പുഴയുടെ വൈകാരികമായ ഒന്നാണെന്ന് കെസി വേണുഗോപാൽ പറഞ്ഞു. സർക്കാർ ആദ്യത്തെ പരിഗണന നൽകേണ്ടത് ആലപ്പുഴയിലെ വള്ളംകളിക്കാണെന്നും, അല്ലാതെ ബേപ്പൂരിലെ വള്ളംകളിക്കല്ലെന്നും അദ്ദേഹം വ്യക്തമാക്കി.

വഖഫ് ഭേദഗതി ബില്ലിനെതിരെ പ്രതിഷേധം: കരിപ്പൂർ വിമാനത്താവളത്തിൽ സംഘർഷം

എത്രയും പെട്ടന്ന് നെഹ്റു ട്രോഫി വള്ളംകളി നടത്താനുള്ള നടപടി സ്വീകരിക്കണമെന്നും കെ സി വേണുഗോപാൽ ആവശ്യപ്പെട്ടു.

Story Highlights: K C Venugopal criticizes CPI(M) for EP Jayarajan’s removal and questions timing of action

ഗവർണർമാരെ ഉപകരണമാക്കുന്നു: എം എ ബേബി