സിപിഐഎം സംസ്ഥാന സെക്രട്ടറിയേറ്റ് ഇന്ന് ലൈംഗിക പീഡനക്കേസിൽ പ്രതിയായ എം മുകേഷ് എംഎൽഎയുടെ രാജി സംബന്ധിച്ച് തീരുമാനമെടുക്കും. പ്രതിപക്ഷവും ഘടകകക്ഷികളും മുകേഷിന്റെ രാജി ആവശ്യപ്പെടുന്നതിനിടെയാണ് യോഗം ചേരുന്നത്. മുഖ്യമന്ത്രി പിണറായി വിജയന്റെയും സിപിഐഎം സംസ്ഥാന നേതൃത്വത്തിന്റെയും നിലപാട് നിർണായകമാകും.
കേസിൽ മുകേഷിനെ അഞ്ചുദിവസത്തേക്ക് അറസ്റ്റ് ചെയ്യരുതെന്ന കോടതിവിധി പാർട്ടിക്കും മുകേഷിനും താൽക്കാലിക ആശ്വാസമാണ്. ഇന്നലെ ചേർന്ന അവൈലബിൾ സെക്രട്ടറിയേറ്റ് യോഗം മുകേഷ് രാജിവെക്കേണ്ടതില്ലെന്ന നിലപാടെടുത്തിരുന്നു. എന്നാൽ, സിപിഐ സംസ്ഥാന എക്സിക്യൂട്ടീവ് മുകേഷിന്റെ രാജി ഉചിതമാണെന്ന നിലപാടെടുത്തിട്ടുണ്ട്.
സിപിഐ സംസ്ഥാന സെക്രട്ടറി ബിനോയ് വിശ്വം ഈ നിലപാട് മുഖ്യമന്ത്രിയെയും സിപിഐഎം സംസ്ഥാന സെക്രട്ടറി എം വി ഗോവിന്ദനെയും അറിയിച്ചിട്ടുണ്ട്. സിപിഐഎം കൊല്ലം ജില്ലാ കമ്മിറ്റിയുടെ അഭിപ്രായം കൂടി പരിഗണിച്ചായിരിക്കും ഇക്കാര്യത്തിൽ അന്തിമ തീരുമാനമെടുക്കുക. ഇന്നത്തെ സെക്രട്ടറിയേറ്റ് യോഗത്തിൽ ഈ വിഷയത്തിൽ വിശദമായ ചർച്ച നടക്കും.
Story Highlights: CPIM state secretariat to decide on M. Mukesh MLA’s resignation in sexual harassment case
