Bengali actress accuses filmmaker Ranjith of sexual harassment

ബംഗാളി നടിയുടെ ലൈംഗികാതിക്രമ പരാതിയിൽ സംവിധായകനും ചലച്ചിത്ര അക്കാദമി മുൻ ചെയർമാനുമായ രഞ്ജിത്ത് നിയമനടപടികളിലേക്ക് നീങ്ങുന്നു. എഫ്ഐആർ നിലവിൽ വന്ന സാഹചര്യത്തിൽ മുൻകൂർ ജാമ്യം തേടി കോടതിയെ സമീപിക്കാനുള്ള തീരുമാനത്തിലാണ് രഞ്ജിത്. എന്നാൽ, അന്വേഷണം പ്രാഥമിക ഘട്ടത്തിൽ ആയതിനാൽ എഫ്ഐആർ റദ്ദാക്കാൻ കോടതിയെ സമീപിക്കുന്നത് തിരിച്ചടിയാകുമെന്ന വിലയിരുത്തലുമുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൊലീസ് നീക്കം കൂടി നിരീക്ഷിച്ച ശേഷമായിരിക്കും തുടർനടപടികൾ സ്വീകരിക്കുക. ലൈംഗിക ഉദ്ദേശത്തോടെ ശരീരത്തിൽ സ്പർശിച്ചുവെന്ന പരാതിയിൽ ഐപിസി 354 പ്രകാരമാണ് കേസ്. കേസ് നിലവിൽ പ്രത്യേക അന്വേഷണ സംഘം ഏറ്റെടുത്തു കഴിഞ്ഞു.

കേസെടുത്തതിന് പിന്നാലെയാണ് രഞ്ജിത് കൊച്ചിയിലെ പ്രമുഖ അഭിഭാഷകനെ സമീപിച്ചത്. അതേസമയം രഞ്ജിത്തിനെതിരെ നടപടി ഉടനില്ലെന്ന് ഫെഫ്ക അറിയിച്ചു. പരാതിയിൽ കഴമ്പുണ്ടെന്ന് അന്വേഷണത്തിൽ വ്യക്തമായാൽ മാത്രം നടപടിയുള്ളൂ എന്നാണ് ഫെഫ്കയുടെ നിലപാട്.

ഓപ്പറേഷൻ നംഖോർ: അമിത് ചക്കാലയ്ക്കലിനെ വീണ്ടും ചോദ്യം ചെയ്യും

രഞ്ജിത്തിൽ നിന്ന് വിശദീകരണം തേടിയതായും ഫെഫ്ക അറിയിച്ചു. ഈ സാഹചര്യത്തിൽ, രഞ്ജിത്തിന്റെ അടുത്ത നീക്കം എന്തായിരിക്കുമെന്നും, അന്വേഷണം എങ്ങനെ മുന്നോട്ട് പോകുമെന്നും കാത്തിരുന്ന് കാണേണ്ടിയിരിക്കുന്നു.

Story Highlights: Filmmaker Ranjith to seek anticipatory bail following sexual harassment complaint by Bengali actress

ദില്ലിയില് സ്വാമി ചൈതന്യാനന്ദ സരസ്വതിക്കെതിരെ ലൈംഗിക പീഡന പരാതികളുമായി വിദ്യാർത്ഥിനികൾ