സംസ്ഥാനത്തെ സ്വർണവിലയിൽ തുടർച്ചയായി നാലാം ദിവസവും മാറ്റമില്ലാതെ തുടരുകയാണ്. പവന് 53,560 രൂപയും ഗ്രാമിന് 6,695 രൂപയുമാണ് നിലവിലെ വില. ഉത്സവ സീസൺ അടുത്തുവരുന്നതിനാൽ സ്വർണവില ഇനിയും ഉയരാൻ സാധ്യതയുണ്ട്. വെള്ളിയുടെ വിലയിലും മാറ്റമില്ല. ഗ്രാമിന് 92.80 രൂപയാണ് വെള്ളിയുടെ വില. 8 ഗ്രാം വെള്ളിക്ക് 742.40 രൂപയും 10 ഗ്രാമിന് 928 രൂപയുമാണ്. കിലോഗ്രാമിന് 92,800 രൂപയാണ് വെള്ളിയുടെ വില.
ഈ മാസം പ്രാദേശിക വിപണികളിൽ സ്വർണം 51,600 രൂപയിലാണ് തുടങ്ങിയത്. നിലവിൽ അത് 53,560 രൂപയിൽ എത്തി നിൽക്കുന്നു. ഈ മാസത്തെ ഏറ്റവും ഉയർന്ന നിരക്ക് 53,680 രൂപയും താഴ്ന്ന നിരക്ക് 50,800 രൂപയുമാണ്. ആഗോള വിപണികളിലെ തിരുത്തൽ പ്രാദേശിക വിപണികളിൽ പ്രതിഫലിക്കാനുള്ള സാധ്യതയും നിലനിൽക്കുന്നു.
ആഭരണപ്രിയർക്ക് വിലയിറക്കങ്ങളിൽ ബുക്കിംഗുകൾ നടത്താൻ ഇത് അവസരമാണ്. ബുക്കിംഗുകൾ വഴി വില കുതിച്ചാൽ ബുക്കിംഗ് നിരക്കിലും, വില കുറഞ്ഞാൽ വിപണി നിരക്കിലും സ്വർണം സ്വന്തമാക്കാൻ സാധിക്കും. ഇത്തരത്തിൽ വിലയിലെ ഏറ്റക്കുറച്ചിലുകൾ പ്രയോജനപ്പെടുത്താൻ ഉപഭോക്താക്കൾക്ക് സാധിക്കും.
Story Highlights: Gold prices in Kerala remain unchanged for the fourth consecutive day, with potential for increase as festival season approaches
