WCC Condemns Cyber Attacks on Founding Member Post Hema Report

സിനിമാ മേഖലയിലെ വനിതാ കൂട്ടായ്മയായ ഡബ്ല്യുസിസി, സ്ഥാപക അംഗത്തിനെതിരെ നടക്കുന്ന സൈബർ ആക്രമണത്തെ ശക്തമായി അപലപിച്ചു. ഹേമ കമ്മിറ്റി റിപ്പോർട്ടിന് പിന്നാലെ, മുതിർന്ന കലാകാരികളെ അപമാനിക്കുന്ന വിധത്തിലുള്ള ഓൺലൈൻ വാർത്തകളും ചില അംഗങ്ങൾക്കെതിരെയുള്ള ഹീനമായ സൈബർ ആക്രമണങ്ങളും ഉണ്ടായതായി ഡബ്ല്യുസിസി ഫേസ്ബുക്കിലൂടെ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിനിമയിലെ സ്ത്രീകളെ അപമാനിക്കാനല്ല റിപ്പോർട്ട് ഉപയോഗിക്കേണ്ടതെന്നും അവർ ഓർമിപ്പിച്ചു. തൊഴിലിടത്തെ സ്ത്രീവിരുദ്ധത ചർച്ചയാക്കുന്നതിനു പകരം, സ്ത്രീകൾക്കെതിരെ സ്ത്രീകളെ പ്രതിഷ്ഠിക്കുന്ന ഓൺലൈൻ വാർത്തകൾ പുറത്തുവരുന്നതായി ഡബ്ല്യുസിസി ചൂണ്ടിക്കാട്ടി.

ഹേമ കമ്മിറ്റി റിപ്പോർട്ടിനെ മുതിർന്ന നടികൾക്കെതിരെ കല്ലെറിയാൻ ഉപയോഗിക്കുന്നത് പിന്തിരിപ്പൻ മനോഭാവമായേ കാണാനാകൂ എന്നും അവർ വ്യക്തമാക്കി. ഓരോ അംഗത്തിനും അവരുടെ സ്വന്തം അനുഭവങ്ങളെക്കുറിച്ച് ഭയം കൂടാതെ സംസാരിക്കാൻ അവകാശമുണ്ടെന്നും ഡബ്ല്യുസിസി പറഞ്ഞു.

സിനിമാ രംഗത്ത് ഗൗരവമായി ഇടപെടുന്ന എല്ലാവരും ഹേമ കമ്മിറ്റി റിപ്പോർട്ട് തുറന്ന മനസ്സോടെ വായിക്കുകയും, തൊഴിലിടത്തെ സ്ത്രീ വിരുദ്ധതയുടെ കാരണങ്ങൾ മനസ്സിലാക്കി പരിഹരിക്കാൻ മുൻകൈ എടുക്കുമെന്നും ഡബ്ല്യുസിസി പ്രതീക്ഷ പ്രകടിപ്പിച്ചു. കഴിവുകൊണ്ടും കഠിനാധ്വാനം കൊണ്ടും സ്വന്തമായി ഇടം ഉണ്ടാക്കിയ ഒട്ടനവധി സ്ത്രീകൾ എക്കാലത്തും സിനിമാരംഗത്ത് ഉണ്ടായിരുന്നുവെന്നും, അവരെ അപമാനിക്കാനല്ല ഈ പഠനം ഉപയോഗിക്കേണ്ടതെന്നും ഡബ്ല്യുസിസി ഓർമിപ്പിച്ചു.

മധു സാറിനും എനിക്കും ഒരേ അനുഭവം ഉണ്ടായിട്ടുണ്ട്: മോഹൻലാൽ

Story Highlights: WCC condemns cyber attacks against founding member following Hema Committee report

‘ലോക’ 290 കോടി ക്ലബ്ബിൽ; 35 ദിവസം കൊണ്ട് കണ്ടത് 1.18 കോടി പ്രേക്ഷകർ