Missing 13-year-old girl from Kerala found in Kanyakumari

കഴക്കൂട്ടത്ത് നിന്ന് കാണാതായ 13 വയസ്സുകാരി തസ്മിത്ത് തംസം കന്യാകുമാരിയിലെത്തിയതായി പൊലീസ് സ്ഥിരീകരിച്ചു. രാവിലെ ഓട്ടോഡ്രൈവർമാർ കുട്ടിയെ കണ്ടതായി പൊലീസ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരള പൊലീസിന്റെ രണ്ട് സംഘങ്ങൾ കന്യാകുമാരിയിലെത്തി നിർത്തിയിട്ട ട്രെയിനുകളിലടക്കം പരിശോധന നടത്തുകയാണ്. ബെംഗളൂരു-കന്യാകുമാരി ട്രെയിനിൽ പെൺകുട്ടി യാത്ര ചെയ്തതായി വിവരം ലഭിച്ചതോടെയാണ് അന്വേഷണം കന്യാകുമാരിയിലേക്ക് വ്യാപിപ്പിച്ചത്.

യാത്രക്കാരിയായ ബവിത നെയ്യാറ്റിൻകരയിൽ വെച്ച് എടുത്ത കുട്ടിയുടെ ഫോട്ടോയാണ് കേസിൽ വഴിത്തിരിവായത്. ഒരു വനിതാ എസ്ഐ ഉൾപ്പെടെയുള്ള സംഘമാണ് കന്യാകുമാരിയിലേക്ക് പുറപ്പെട്ടത്.

ട്രെയിനിലിരുന്ന കുട്ടിയുടെ യാത്രാ ഫോട്ടോ കുട്ടിയുടെ പിതാവ് തിരിച്ചറിഞ്ഞിരുന്നു. തിരുവനന്തപുരത്തു നിന്ന് കുട്ടി ട്രെയിൻ കയറിയെന്നാണ് സഹയാത്രിക പൊലീസിനെ അറിയിച്ചത്.

ട്രെയിനിൽ കരയുന്ന കുട്ടിയുടെ ഫോട്ടോ എടുത്ത യാത്രക്കാരി ബബിത, കുട്ടിയുടെ കൈയിൽ 40 രൂപ മാത്രമാണ് ഉണ്ടായിരുന്നതെന്ന് പൊലീസിനെ അറിയിച്ചു. എന്നാൽ കുട്ടി 50 രൂപയുമായാണ് വീട്ടിൽ നിന്ന് പോയതെന്ന് മാതാപിതാക്കൾ പൊലീസിനോട് പറഞ്ഞിരുന്നു.

ശ്രീകാര്യത്ത് വീട് കുത്തിത്തുറന്ന് 15 പവനും 4 ലക്ഷവും കവർന്നു

Story Highlights: 13-year-old missing girl from Kazhakoottam found in Kanyakumari

എസ്ഒജി രഹസ്യ ചോർച്ച: പൊലീസുകാരെ തിരിച്ചെടുത്തതിൽ അന്വേഷണത്തിന് സർക്കാർ ഉത്തരവ്