Hema Committee Report: Special Team to Investigate Complaints

സ്ത്രീ സമൂഹത്തിനൊപ്പമാണ് സർക്കാരെന്ന് മന്ത്രി സജി ചെറിയാൻ പ്രസ്താവിച്ചു. ഹേമ കമ്മറ്റി റിപ്പോർട്ടിൽ പരാതിയുമായി വരുന്നവരുടെ പരാതി പരിശോധിക്കാൻ പ്രത്യേക സംഘത്തെ നിയോഗിക്കുമെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിയമ രംഗത്തെ പ്രമുഖരുമായി സംസാരിച്ച് ഭാവിയിൽ എന്ത് ചെയ്യണമെന്ന് ധാരണ ഉണ്ടാക്കുമെന്നും, പരാതി ഉണ്ടെങ്കിൽ കേസെടുക്കുമെന്നും മന്ത്രി പറഞ്ഞു. നിലവിലെ റിപ്പോർട്ടിൽ ആരുടെയും പേര് പരാമർശിച്ചിട്ടില്ലെന്നും, ഇരകളെക്കുറിച്ച് പരാതികൾ ലഭിച്ചിട്ടില്ലെന്നും അദ്ദേഹം വ്യക്തമാക്കി.

നിയമപരമായ വശങ്ങൾ പരിശോധിച്ച് തുടർ നടപടികളിലേക്ക് പോകുമെന്ന് മന്ത്രി അറിയിച്ചു. റിപ്പോർട്ടിൽ നടപടി വേണമെങ്കിൽ കോടതി നിർദ്ദേശിക്കട്ടെയെന്നും, കോടതിയുടെ പരിഗണനയിലുള്ള റിപ്പോർട്ടാണിതെന്നും അദ്ദേഹം ചൂണ്ടിക്കാട്ടി.

പുറത്തുവിടാത്ത ഭാഗങ്ങളിൽ നടപടി എടുക്കേണ്ടതുണ്ടെങ്കിൽ കോടതി നിർദ്ദേശിക്കുമെന്നും, സർക്കാരിന് മുന്നിലേക്ക് എന്തെങ്കിലും വന്നാൽ കർശന നടപടി ഉണ്ടാകുമെന്നും മന്ത്രി വ്യക്തമാക്കി. മലയാള സിനിമാ മേഖലയിലെ സ്ത്രീകളുടെ പ്രശ്നങ്ങൾ പഠിച്ച് തയാറാക്കിയ ഹേമ കമ്മിറ്റി റിപ്പോർട്ട് പുറത്തുവന്നതിന് പിന്നാലെ, റിപ്പോർട്ടിലെ നടുക്കുന്ന വിഷയങ്ങൾ പരിഹരിക്കാൻ ആലോചനകൾ നടക്കുന്നതായി റിപ്പോർട്ടുണ്ട്.

പുതിയ സിനിമാനയ രൂപീകരണത്തിന് കൺസൾട്ടൻസി ആലോചനയിലുണ്ടെന്നും, സിനിമാ നിർമ്മാണ വിതരണ പ്രദർശന മേഖലയിലെ പ്രശ്നങ്ങൾ വീണ്ടും പഠിക്കുമെന്നും റിപ്പോർട്ടിൽ പറയുന്നു. ഇതിനായി സാംസ്കാരിക വകുപ്പ് ഒരു കോടി രൂപ അനുവദിച്ചതായും അറിയിച്ചു.

ഉത്തരവാദിത്തം ‘എമ്പുരാൻ’ ടീം ഏറ്റെടുക്കുന്നു, വിവാദ ഭാഗങ്ങൾ നീക്കം ചെയ്യാൻ തീരുമാനിച്ചു; മോഹൻ ലാൽ

Story Highlights: Minister Saji Cherian announces special team to investigate complaints in Hema Committee report on women’s issues in Malayalam cinema

സിപിഐഎം റിപ്പോർട്ട്: മുതിർന്ന നേതാക്കളെ അവഗണിക്കരുത്, കൊഴിഞ്ഞുപോക്ക് ആശങ്കാജനകം