സംസ്ഥാനത്തെ സ്വർണവിലയിൽ മാറ്റമില്ലാതെ തുടരുന്നു. ഇന്ന് ഒരു പവൻ സ്വർണത്തിന് 53,360 രൂപയാണ് വില. ഗ്രാമിന് 6670 രൂപ നൽകേണ്ടിവരും. ഈ മാസം മാത്രം പവന് 1,760 രൂപയാണ് വർധിച്ചത്. രാജ്യാന്തര തലത്തിൽ സ്വർണവില ഉയർന്നതാണ് സംസ്ഥാനത്തും വില തുടർച്ചയായി കൂടാൻ കാരണമായത്.
കഴിഞ്ഞ മാസം 17ന് സ്വർണവില 55,000 രൂപയിലെത്തി ആ മാസത്തെ ഏറ്റവും ഉയർന്ന നിലവാരം കണ്ടിരുന്നു. എന്നാൽ കേന്ദ്ര ബജറ്റിൽ കസ്റ്റംസ് തീരുവ കുറച്ചതോടെ സ്വർണവിലയിൽ വലിയ ഇടിവുണ്ടായി. 4500 രൂപയോളം താഴ്ന്ന വില പിന്നീട് തിരിച്ചുകയറി. പത്തുദിവസത്തിനിടെ 2500ലധികം രൂപ വർധിച്ച് വീണ്ടും 53,000ന് മുകളിലെത്തി.
കഴിഞ്ഞ ദിവസം മാത്രം 840 രൂപയാണ് ഒറ്റയടിക്ക് കൂടിയത്. സ്വർണവിലയിലെ ഈ ഏറ്റക്കുറച്ചിലുകൾ വിപണിയിൽ വലിയ സ്വാധീനം ചെലുത്തുന്നുണ്ട്. രാജ്യാന്തര വിപണിയിലെ സ്ഥിതിഗതികൾ അനുസരിച്ച് ആഭ്യന്തര വിലയിലും മാറ്റങ്ങൾ പ്രതീക്ഷിക്കാം.
Story Highlights: Gold price remains stable at 53,360 rupees per pavan in Kerala
