Kerala HC Orders Counselling in Pantheerankavu Domestic Violence Case

പന്തീരാങ്കാവ് ഗാർഹിക പീഡന കേസിൽ ഇരുവരെയും കൗൺസിലിങ്ങിന് വിട്ട് ഹൈക്കോടതി നിർദേശം നൽകി. കെൽസ മുഖേന കൗൺസിലിംഗ് നൽകണമെന്നും 21ന് വീണ്ടും ഇരുവരും ഹാജരാകണമെന്നും കോടതി നിർദേശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൗൺസിലിംഗിന് ശേഷമുള്ള റിപ്പോർട്ട് തൃപ്തികരമെങ്കിൽ അവരെ ഒരുമിച്ചു വിടുമെന്നും കോടതി വ്യക്തമാക്കി. കേസിൽ പരാതിയില്ലെന്ന് യുവതി ആവർത്തിച്ചു പറഞ്ഞു.

എന്നാൽ കേസ് പിൻവലിക്കാൻ ഭർതൃ വീട്ടുകാർ നിർബന്ധിച്ചോയെന്ന് കോടതി ചോദിച്ചു. പെൺകുട്ടിയെ ഉപദ്രവിച്ചിട്ടുണ്ടോ എന്ന കോടതിയുടെ ചോദ്യത്തിന് ഇല്ലെന്ന് രാഹുൽ മറുപടി നൽകി.

വിഷയം രമ്യമായി പരിഹരിക്കുന്നത് ഉചിതമെന്നും കോടതി നിർദേശിച്ചു. ഇരുവരുടെയും സമാധാനപരമായ വിവാഹ ജീവിതത്തിനായാണ് ഈ നിലപാടെന്ന് ഹൈക്കോടതി അറിയിച്ചു.

രാഹുൽ പി ഗോപാലിനെതിരായ പരാതിക്കാരിയുടെ ആക്ഷേപം ഗൗരവതരമാണെന്ന് കോടതി നിരീക്ഷിച്ചെങ്കിലും, ഒരുമിച്ചുള്ള ജീവിതത്തിന് കേസ് തടസമാകരുതെന്നും നിർദേശം നൽകി. കേസിന്റെ ഗൗരവത്തെക്കുറിച്ച് സർക്കാർ കോടതിയെ ബോധിപ്പിച്ചതായി പ്രതിഭാഗം അഭിഭാഷകൻ വ്യക്തമാക്കി.

വേടന്റെ മുൻകൂർ ജാമ്യാപേക്ഷ: ഹൈക്കോടതിയിൽ നാളെ വാദം തുടരും

Story Highlights: High Court refers couple to counselling in Pantheerankavu domestic violence case, seeking peaceful resolution

വേടന്റെ അറസ്റ്റ് ഹൈക്കോടതി തടഞ്ഞു; ഉഭയകക്ഷി ബന്ധം എങ്ങനെ ബലാത്സംഗമാകും എന്ന് കോടതി.