സെബി ചെയർപേഴ്‌സൺ മാധബി പുരി ബുച്ച് രാജിവയ്ക്കണമെന്ന് സിപിഐഎം ആവശ്യപ്പെട്ടു. അദാനി ഗ്രൂപ്പിനെതിരായ ആരോപണങ്ങളിൽ ശരിയായ അന്വേഷണം നടത്താൻ ചെയർപേഴ്‌സൺ മാറിനിൽക്കേണ്ടത് അനിവാര്യമാണെന്ന് പാർട്ടി വ്യക്തമാക്കി. ജെപിസി അന്വേഷണം വേണമെന്നും സിപിഐഎം ആവശ്യപ്പെട്ടു.
മാധബി പുരി ബുച്ചിനും ഭർത്താവ് ധവാൽ ബുച്ചിനും അദാനി ഗ്രൂപ്പ് കമ്പനികളിലേക്ക് വിദേശനിക്ഷേപം നടത്തിയ സ്ഥാപനങ്ങളിൽ നിക്ഷേപമുണ്ടായിരുന്നുവെന്നാണ് ആരോപണം. അദാനിയുടെ സെൽ കമ്പനികളുമായി സെബി ചെയർപേഴ്‌സണ് ബന്ധമുണ്ടെന്ന വെളിപ്പെടുത്തലിനെ തുടർന്ന് പ്രതിപക്ഷം സെബിയ്ക്കും കേന്ദ്രസർക്കാരിനുമെതിരെ രൂക്ഷവിമർശനവുമായി രംഗത്തെത്തി. സെബിയുടെ വിരുദ്ധ താല്പര്യങ്ങൾ ഇല്ലാതാക്കാൻ സർക്കാർ ഉടൻ നടപടിയെടുക്കണമെന്ന് കോൺഗ്രസ് ആവശ്യപ്പെട്ടു.
എന്നാൽ, തനിക്കെതിരെ ഉയർന്ന ആരോപണങ്ങളെല്ലാം നിഷേധിച്ച് സെബി ചെയർപേഴ്‌സൺ മാധബി ബുച്ച് രംഗത്തെത്തി. തന്റെ എല്ലാ നിക്ഷേപങ്ങളും സെബിയെ അറിയിച്ചിരുന്നുവെന്ന് അവർ പറഞ്ഞു. ഹിൻഡൻബർഗ് പുതിയ റിപ്പോർട്ട് കാരണം കാണിക്കൽ നോട്ടീസ് നൽകിയതിന് പ്രതികാര നടപടിയാണെന്നും മാധബി ആരോപിച്ചു.
Story Highlights: Hindenburg Research report on Adani Group triggers political controversy, with CPIM demanding SEBI chairperson’s resignation and probe into allegations.
Image Credit: twentyfournews
