Youtuber Chekuthan denies enmity with Mohanlal, says he reacts based on incidents

യൂട്യൂബർ അജു അലക്സ് (ചെകുത്താൻ) മോഹൻലാലിനോടുള്ള ശത്രുതയെ നിഷേധിച്ചു. സംഭവങ്ങളെ അടിസ്ഥാനമാക്കിയാണ് താൻ പ്രതികരിക്കുന്നതെന്നും ആരുടെയും പുറകെ നടക്കാറില്ലെന്നും അദ്ദേഹം വ്യക്തമാക്കി. ഒളി സങ്കേതത്തിൽ ആണെന്ന് പറഞ്ഞത് വ്യാജമാണെന്നും സ്വമേധയാ പോലീസ് സ്റ്റേഷനിൽ എത്തിയതാണെന്നും അജു അലക്സ് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൂന്നുനേരവും തനിക്ക് മരുന്നുണ്ടെന്നും അദ്ദേഹം അവകാശപ്പെട്ടു. സൂരജ് പാലാക്കാരൻ തന്നെക്കുറിച്ച് അനാവശ്യം പറഞ്ഞിട്ടുണ്ടെന്നും അജു അലക്സ് ആരോപിച്ചു. മോഹൻലാലിനെ അധിക്ഷേപിച്ച കേസിൽ ജാമ്യം ലഭിച്ചതിന് ശേഷമാണ് അജു അലക്സ് പ്രതികരിച്ചത്.

സ്റ്റേഷൻ ജാമ്യത്തിലാണ് ഇയാളെ വിട്ടയച്ചത്. വയനാട്ടിൽ സൈനിക യൂണിഫോമിൽ എത്തിയ മോഹൻലാലിനെ അപമാനിച്ചതിലാണ് പോലീസ് കേസ് എടുത്തത്. അജു അലക്സിനെതിരെ അമ്മ ജനറൽ സെക്രട്ടറി സിദ്ദിഖിന്റെ പരാതിയിലാണ് കേസെടുത്തത്.

അജുവിനെതിരെ ഭാരതീയ ന്യായ സംഹിത 192, 296(b), കെ. പി ആക്റ്റ് 2011 120(0) എന്നീ വകുപ്പുകളാണ് ചുമത്തിയത്. വയനാട് ഉരുൾപൊട്ടൽ ദുരന്തമുണ്ടായ സ്ഥലത്ത് ഇന്ത്യൻ ടെറിട്ടോറിയൽ ആർമിയിൽ ലെഫ്റ്റനൻ്റ് കേണൽ പദവി വഹിക്കുന്ന മോഹൻലാൽ പട്ടാള യൂണിഫോമിൽ സന്ദർശിച്ചതിന് എതിരെയാണ് അജു അലക്സ് ചെകുത്താൻ യൂട്യൂബ് ചാനലിലൂടെ അധിക്ഷേപിക്കുന്ന തരത്തിൽ പരമാർശം നടത്തിയത്.

കേരള സർവകലാശാലയിലെ ഭാരതാംബ ചിത്രം വിവാദം: രജിസ്ട്രാർക്കെതിരെ നടപടിക്ക് സാധ്യത

Story Highlights: Youtuber Chekuthan denies enmity with Mohanlal, says he reacts based on incidents. Image Credit: twentyfournews

ആരോഗ്യ വകുപ്പിനെതിരായ പ്രതിഷേധം; വിമർശനവുമായി ദേശാഭിമാനി