വയനാട് ദുരന്തത്തിന്റെ പതിനൊന്നാം ദിവസവും നാലു മൃതദേഹങ്ങൾ കൂടി കണ്ടെത്തി. സൂചിപ്പാറയിലും കാന്തൻപാറ മേഖലയിലുമാണ് മൃതദേഹങ്ങൾ കിടന്നുണ്ടായിരുന്നത്. പി.പി. കിറ്റ് ലഭ്യമല്ലാതിരുന്നതിനാൽ മൃതദേഹങ്ങളെ എയർലിഫ്റ്റ് ചെയ്യാൻ സാധിച്ചില്ലെന്ന് സന്നദ്ധപ്രവർത്തകർ അറിയിച്ചു.
വീടും വസ്തുവകകളും പൂർണ്ണമായി നഷ്ടപ്പെട്ടവർക്ക് മറ്റൊരു താമസസ്ഥലത്തേക്ക് മാറുന്നതിനുള്ള അടിയന്തര ധനസഹായം സർക്കാർ പ്രഖ്യാപിച്ചു. ജീവനോപാധി നഷ്ടപ്പെട്ട കുടുംബാംഗങ്ങൾക്ക് 300 രൂപ വീതം ആശ്വാസധനസഹായവും നൽകും.
പുനരധിവാസ പദ്ധതിക്കായി എം.എൽ.എ-മാരെയും എം.പി-മാരെയും ഉൾപ്പെടുത്തി സമിതി രൂപീകരിക്കണമെന്ന് കെ.പി.സി.സി പ്രസിഡന്റ് കെ. സുധാകരൻ ആവശ്യപ്പെട്ടു. യു.ഡി.എഫ് എം.പി-മാർ ഒരു മാസത്തെ ശമ്പളം ദുരിതാശ്വാസ നിധിയിലേക്ക് സംഭാവന ചെയ്യാനും തീരുമാനിച്ചു.
Story Highlights: Four more bodies found in Wayanad disaster, government announces emergency financial assistance.
Image Credit: twentyfournews
