യുജിസി നെറ്റ് ജൂണ്‍ പരീക്ഷയുടെ പുതുക്കിയ ഷെഡ്യൂള്‍ നാഷണൽ ടെസ്റ്റിംഗ് ഏജൻസി പ്രഖ്യാപിച്ചു. 2024 ഓഗസ്റ്റ് 21 മുതൽ സെപ്റ്റംബർ 4 വരെയുള്ള കാലയളവിൽ 83 വിഷയങ്ങളിലായി കമ്പ്യൂട്ടർ അധിഷ്ഠിത ടെസ്റ്റ് മോഡിൽ (CBT) പരീക്ഷ നടക്കും. പരീക്ഷ സംബന്ധിച്ച കൂടുതൽ വിവരങ്ങൾക്ക് ugcnet.nta.ac.in സന്ദർശിക്കാവുന്നതാണ്.
പരീക്ഷയ്ക്ക് പത്തുദിവസം മുൻപ് പരീക്ഷാകേന്ദ്രം സംബന്ധിച്ച കൃത്യമായ വിവരം നൽകുന്ന എക്സാം സിറ്റി ഇന്റിമേഷൻ സ്ലിപ്പ് പ്രസിദ്ധീകരിക്കും. തുടർന്ന് ഓഗസ്റ്റ് രണ്ടാം വാരത്തോടെ യുജിസി നെറ്റ് ജൂൺ സെഷന്റെ അഡ്മിറ്റ് കാർഡുകൾ ഔദ്യോഗിക വെബ്സൈറ്റിൽ ലഭ്യമാകും. അപ്ലിക്കേഷൻ നമ്പറും ജനനതീയതിയും ഉപയോഗിച്ച് ലോഗിൻ ചെയ്ത് അഡ്മിറ്റ് കാർഡ് ഡൗൺലോഡ് ചെയ്യാവുന്നതാണ്.
പരീക്ഷാർഥികൾ അഡ്മിറ്റ് കാർഡിന്റെ പകർപ്പ് നിർബന്ധമായും പരീക്ഷാ ഹാളിലേക്ക് കൊണ്ടുവരേണ്ടതാണ്. ഈ പ്രധാന രേഖ കൂടാതെ പരീക്ഷ എഴുതാൻ അനുവദിക്കില്ല എന്നതിനാൽ, അഡ്മിറ്റ് കാർഡ് സുരക്ഷിതമായി സൂക്ഷിക്കുകയും പരീക്ഷാ ദിവസം കൊണ്ടുവരുകയും ചെയ്യേണ്ടത് അത്യാവശ്യമാണ്.
Story Highlights: UGC NET June 2024 exam schedule announced, to be held from August 21 to September 4
Image Credit: twentyfournews
