വയനാട്ടിൽ നാല് മന്ത്രിമാർ തുടരണം; രക്ഷാദൗത്യം ശക്തമാക്കി

മുഖ്യമന്ത്രി പിണറായി വിജയൻ നാല് മന്ത്രിമാരോട് വയനാട്ടിൽ തുടരാൻ നിർദേശം നൽകി. കെ.രാജൻ, പി.എ മുഹമ്മദ്‌ റിയാസ്, എ കെ ശശീന്ദ്രൻ, ഒ ആർ കേളു എന്നിവരാണ് രക്ഷാദൗത്യം അവസാനിക്കുന്നതുവരെ പ്രദേശത്ത് ക്യാമ്പ് ചെയ്യേണ്ടത്. മന്ത്രിമാരുടെ യോഗത്തിലാണ് ഈ നിർണായക തീരുമാനം എടുത്തത്. രക്ഷാപ്രവർത്തനങ്ങൾക്ക് രാജ്യത്ത് ലഭ്യമായ എല്ലാ സംവിധാനങ്ങളും ഒരുക്കാൻ ചീഫ് സെക്രട്ടറിക്കും മുഖ്യമന്ത്രി നിർദേശം നൽകി.

വയനാട് മുണ്ടക്കൈയിലെ ഉരുൾപൊട്ടലിൽ രക്ഷാദൗത്യം കൃത്യമായ രീതിയിൽ നടക്കുന്നതായി എഡിജിപി എംആർ അജിത് കുമാർ അറിയിച്ചു. സൈന്യം ഉൾപ്പെടെ അഞ്ച് സംഘങ്ങൾ രക്ഷാപ്രവർത്തനത്തിൽ ഏർപ്പെട്ടിട്ടുണ്ട്. കൂടുതൽ യന്ത്രങ്ങൾ മേഖലയിൽ എത്തിച്ചിട്ടുണ്ടെന്നും അദ്ദേഹം പറഞ്ഞു. മുണ്ടക്കൈ പൂർണമായി തകർന്നു, എല്ലാ കെട്ടിടങ്ങളും നശിച്ചു, മുഴുവൻ ചെളിയാണെന്നും എഡിജിപി വ്യക്തമാക്കി. മുന്നൂറോളം പേർ കാണാതായിട്ടുണ്ട്.

ഉരുൾപൊട്ടലിൽ മരിച്ചവരുടെ എണ്ണം 287 ആയി ഉയർന്നു. ഇന്നത്തെ തിരച്ചിൽ യന്ത്രസഹായത്തോടെയാണ് നടക്കുന്നത്. ബെയ്‌ലി പാലം നിർമ്മാണം അവസാനഘട്ടത്തിലാണ്, ഇത് പൂർത്തിയാകുന്നതോടെ രക്ഷാദൗത്യത്തിന് കൂടുതൽ വേഗം കൈവരിക്കും. 1100 അംഗങ്ങൾ ഉള്ള സംഘമാണ് തിരച്ചിൽ നടത്തുന്നത്. മൃതദേഹങ്ങൾ കണ്ടെത്താൻ കഡാവർ നായകളെയും ദുരന്തമേഖലയിൽ എത്തിച്ചിട്ടുണ്ട്. സർവകക്ഷി യോഗത്തിന് ശേഷം മുഖ്യമന്ത്രി പിണറായി വിജയൻ ദുരന്ത ഭൂമി സന്ദർശിക്കും.

Story Highlights: Kerala CM Pinarayi Vijayan directs four ministers to stay in Wayanad for rescue operations

Image Credit: twentyfournews