വയനാട്ടിലെ മുണ്ടക്കൈയിലും ചൂരൽമലയിലും സംഭവിച്ച ഉരുൾപൊട്ടലിൽ മരണമടഞ്ഞ 75 പേരെ തിരിച്ചറിഞ്ഞതായി റിപ്പോർട്ട്. 155 മൃതദേഹങ്ങൾ കണ്ടെത്തിയെങ്കിലും, സംസ്ഥാന സർക്കാർ ചൊവ്വാഴ്ച രാവിലെ 10 മണി വരെ സ്ഥിരീകരിച്ചത് 123 മരണങ്ങൾ മാത്രമാണ്. ഇതിൽ 91 മൃതദേഹങ്ങൾ മേപ്പാടി കുടുംബരോഗ്യ കേന്ദ്രത്തിലും 32 എണ്ണം നിലമ്പൂർ ഗവ. ആശുപത്രിയിലുമായിരുന്നു. മലപ്പുറത്ത് നിന്നുള്ള മൃതദേഹങ്ങൾ വയനാട്ടിലേക്ക് മാറ്റിയ ശേഷം, എല്ലാ മൃതദേഹങ്ങളുടെയും പോസ്റ്റ്മോർട്ടം മേപ്പാടിയിൽ നടത്തി.
നിലവിൽ അഞ്ചു ക്യാമ്പുകളിലായി 99 പേരാണുള്ളത്, ഇതിൽ 98 പേർ വയനാട്ടിലും ഒരാൾ മലപ്പുറത്തുമാണ്. ആകെ 195 പേരാണ് ആശുപത്രികളിൽ എത്തിയത്, ഇതിൽ 190 പേർ വയനാട്ടിലും 5 പേർ മലപ്പുറത്തുമായിരുന്നു. വയനാട്ടിൽ എത്തിയവരിൽ 133 പേർ വിംസിലും, 28 പേർ മേപ്പാടി കുടുംബരോഗ്യ കേന്ദ്രത്തിലും, 24 പേർ കൽപ്പറ്റ ജനറൽ ആശുപത്രിയിലും, 5 പേർ വൈത്തിരി താലൂക് ആശുപത്രിയിലുമാണ് ചികിത്സ തേടിയത്.
ഇപ്പോൾ വയനാട്, മലപ്പുറം ജില്ലകളിലായി 97 പേർ ചികിത്സയിലുണ്ട്, ഇതിൽ 92 പേർ വയനാട്ടിലാണ്. ഈ ദുരന്തത്തിൽ പരിക്കേറ്റവർക്ക് അടിയന്തര ചികിത്സ നൽകുന്നതിനും, മരണമടഞ്ഞവരുടെ കുടുംബങ്ങൾക്ക് ആവശ്യമായ സഹായം എത്തിക്കുന്നതിനും അധികൃതർ നടപടികൾ സ്വീകരിച്ചു വരുന്നു.
Story Highlights: Postmortem of 123 deadbodies completed in Wayanad landslide tragedy
Image Credit: twentyfournews
