Kerala CM Directs Preparations for 'Waste-Free New Kerala' Campaign

മുഖ്യമന്ത്രി പിണറായി വിജയൻ ‘മാലിന്യ മുക്തം നവകേരളം’ ക്യാമ്പയിനുള്ള മുന്നൊരുക്കങ്ങൾ നടത്താൻ ജില്ലാ കളക്ടർമാർക്ക് നിർദ്ദേശം നൽകി. ഓൺലൈനായി ചേർന്ന യോഗത്തിൽ, തദ്ദേശസ്വയംഭരണസ്ഥാപനങ്ങൾ വാർഡ് തലം മുതൽ ജില്ലാ തലം വരെയുള്ള സമിതികൾ കൃത്യസമയത്ത് രൂപീകരിക്കണമെന്നും, നിർദ്ദേശിച്ച പ്രവർത്തനങ്ങൾ യഥാസമയം നടക്കുന്നുവെന്ന് ഉറപ്പാക്കണമെന്നും അദ്ദേഹം ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒക്ടോബർ 2 മുതൽ മാർച്ച് 30 വരെയാണ് ക്യാമ്പയിൻ നടക്കുക. പകർച്ചവ്യാധികളുടെ പശ്ചാത്തലത്തിൽ പ്രതിരോധ പ്രവർത്തനങ്ങൾ ശക്തമാക്കാനും, ആശുപത്രികളിൽ മരുന്ന് ലഭ്യത ഉറപ്പാക്കാനും മുഖ്യമന്ത്രി നിർദ്ദേശിച്ചു.

മഴ കൂടുതൽ ശക്തിപ്പെടുമെന്ന മുന്നറിയിപ്പിന്റെ അടിസ്ഥാനത്തിൽ ദുരന്തപ്രതിരോധ പ്രവർത്തനങ്ങൾ കാര്യക്ഷമമായി നടപ്പാക്കണമെന്നും, ഓറഞ്ച് ബുക്കിലെ നിർദ്ദേശങ്ങൾ പാലിക്കണമെന്നും അദ്ദേഹം ആവശ്യപ്പെട്ടു. 2025 നവംബർ ഒന്നോടെ അതിദാരിദ്ര്യം ഇല്ലാതാക്കുമെന്ന പ്രഖ്യാപനത്തിന്റെ ഭാഗമായി, ഈ വർഷം നവംബർ ഒന്നിലേക്ക് നിശ്ചയിച്ച ലക്ഷ്യങ്ങൾ പൂർത്തീകരിക്കണമെന്ന് മുഖ്യമന്ത്രി പറഞ്ഞു.

അന്തർ സംസ്ഥാന ടൂറിസ്റ്റ് ബസുകൾ നാളെ മുതൽ പണിമുടക്കും; യാത്രക്കാർ വലയും

‘അവകാശം അതിവേഗം’ പദ്ധതിയുടെ ഭാഗമായി അതിദരിദ്രർക്ക് വിവിധ കാർഡുകൾ നൽകാനുള്ള നടപടികൾ പൂർത്തിയാക്കണമെന്നും അദ്ദേഹം നിർദ്ദേശിച്ചു. തീരദേശ, മലയോര ഹൈവേ വികസനത്തിനായി ഭൂമി ഏറ്റെടുക്കുന്നതിലെ തടസ്സങ്ങൾ പരിഹരിക്കാൻ ജനപ്രതിനിധികളുടെ സഹായം തേടണമെന്നും മുഖ്യമന്ത്രി നിർദ്ദേശിച്ചു.

എസ്.ആർ.സി കമ്മ്യൂണിറ്റി കോളേജിൽ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം