Police arrest 7 for sand smuggling in Malappuram, respond with reel

മലപ്പുറം നിലമ്പൂർ പൊലീസ് സ്റ്റേഷന് മുന്നിലൂടെ ടിപ്പറിൽ മണൽ കടത്തുന്ന ദൃശ്യം ചിത്രീകരിച്ച് ഇൻസ്റ്റഗ്രാമിൽ പങ്കുവെച്ച സംഭവത്തിൽ ഏഴ് പേരെ പൊലീസ് അറസ്റ്റ് ചെയ്തു. ശാമിൽ ഷാൻ, മർവാൻ, അമീൻ, അൽത്താഫ്, മുഹമ്മദ് സവാദ്, അബ്ദുൽ മജീദ്, സഹീർ എന്നിവരാണ് അറസ്റ്റിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ശാമിൽഷാന്റെ ഉടമസ്ഥതയിലുള്ള ലോറിയിൽ മണൽ കടത്തുമ്പോൾ ലോറിയിലുണ്ടായിരുന്ന ബിരുദ വിദ്യാർത്ഥി അമീനാണ് ദൃശ്യം ചിത്രീകരിച്ചത്. സിനിമാ ഡയലോഗുകൾ ചേർത്ത് ഇൻസ്റ്റഗ്രാമിൽ പങ്കുവെച്ച വീഡിയോ പൊലീസിന്റെ ശ്രദ്ധയിൽപ്പെട്ടതോടെയാണ് നടപടികൾ ആരംഭിച്ചത്.

ജില്ലാ പൊലീസ് മേധാവിയുടെ നിർദേശപ്രകാരം പൊലീസ് മണൽ കടത്തുകാരെ തേടി രംഗത്തിറങ്ങി. മമ്പാട് സ്വദേശികളായ ഏഴ് പേരെയും പിടികൂടി.

പ്രതികളെ പിടികൂടി സ്റ്റേഷനിൽ എത്തിക്കുന്നതും മണൽ കടത്തിയ ടിപ്പർ ലോറി കസ്റ്റഡിയിൽ എടുത്തതും ഉൾപ്പെടെയുള്ള രംഗങ്ങൾ ചേർത്താണ് പൊലീസ് തങ്ങളുടെ റീൽ പങ്കുവെച്ചത്. നിലമ്പൂർ പൊലീസ് സ്റ്റേഷന് മുന്നിലൂടെ അനധികൃതമായി മണൽ കടത്തുന്ന ഈ റീലാണ് മാസ് ബിജിഎം ഇട്ട് ഇൻസ്റ്റഗ്രാമിൽ വൈറലായത്.

സൈബറാക്രമണത്തിനെതിരെ ലിറ്റിൽ കപ്പിൾ; നിയമനടപടി സ്വീകരിക്കുമെന്ന് അമലും സിതാരയും

എല്ലാം ചിത്രീകരിച്ച് പൊലീസും റീൽസ് ഇറക്കുകയായിരുന്നു.

എൻ്റെ പേരിലൊരു വ്യാജനുണ്ട്; പ്രതികരണവുമായി നടി ശ്രിയ ശരൺ