Kerala CM urges Karnataka to continue search for missing Arjun

കർണാടകയിൽ കാണാതായ അർജുനെ കണ്ടെത്താനുള്ള തിരച്ചിൽ തുടരണമെന്ന് കേരള മുഖ്യമന്ത്രി പിണറായി വിജയൻ ആവശ്യപ്പെട്ടു. ഇക്കാര്യം ആവശ്യപ്പെട്ട് കർണാടക മുഖ്യമന്ത്രി സിദ്ധരാമയ്യയ്ക്ക് കത്തയച്ച പിണറായി, എല്ലാ ഉപകരണങ്ങളും ഉപയോഗിച്ച് തിരച്ചിൽ തുടരണമെന്നും നിർദേശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രക്ഷാപ്രവർത്തനങ്ങളിൽ ഏർപ്പെട്ടിരിക്കുന്ന സംഘങ്ങളുടെ പ്രയത്നങ്ങൾക്ക് മുഖ്യമന്ത്രി നന്ദിയും രേഖപ്പെടുത്തി. എന്നാൽ, തിരച്ചിൽ താൽക്കാലികമായി നിർത്തിവച്ച വിവരം ഔദ്യോഗികമായി അറിയിച്ചിട്ടില്ലെന്ന് കേരള മന്ത്രി മുഹമ്മദ് റിയാസ് വ്യക്തമാക്കി.

ഇന്നലെ വരെ പറയാതിരുന്ന കാര്യം പെട്ടെന്ന് പ്രഖ്യാപിച്ചത് ദൗർഭാഗ്യകരമാണെന്നും അദ്ദേഹം കൂട്ടിച്ചേർത്തു. യോഗ തീരുമാനം നടപ്പാക്കേണ്ടത് കർണാടക സർക്കാരാണെന്നും, കേരള മന്ത്രിമാർക്ക് അവിടെ പോകാൻ മാത്രമേ കഴിയൂ എന്നും റിയാസ് ചൂണ്ടിക്കാട്ടി.

രക്ഷാപ്രവർത്തനം നിർത്തിവയ്ക്കരുതെന്ന് മന്ത്രി മുഹമ്മദ് റിയാസ് ആവശ്യപ്പെട്ടു. തീരുമാനം കൂടിയാലോചനകളില്ലാതെയാണെന്നും സാധ്യതകൾ പ്രയോജനപ്പെടുത്തുന്നില്ലെന്നും അദ്ദേഹം കുറ്റപ്പെടുത്തി.

സിപിഐക്ക് വിമർശനവുമായി മുഖ്യമന്ത്രി; പദ്ധതികൾ മുടക്കുന്നവരുടെ കൂടെയല്ലെന്ന് പിണറായി വിജയൻ

കേരള സർക്കാർ തങ്ങളുടെ ഭാഗത്തുനിന്ന് ആവശ്യമായതെല്ലാം ചെയ്തതായും മന്ത്രി വ്യക്തമാക്കി. ഈ സാഹചര്യത്തിൽ, അർജുനെ കണ്ടെത്താനുള്ള ശ്രമങ്ങൾ തുടരണമെന്ന നിലപാടിലാണ് കേരള സർക്കാർ.

മുഖ്യമന്ത്രിക്ക് കുവൈത്തിൽ ഊഷ്മള സ്വീകരണം; കേരളത്തിലേക്ക് നിക്ഷേപക സംഘം