കെഎസ്ആർടിസി ഡ്രൈവർക്ക് നേരെ കയ്യേറ്റ ശ്രമം നടന്നതായി റിപ്പോർട്ട്. തൃശൂർ കൊരട്ടിയിൽ ഇന്ന് ഉച്ചയ്ക്ക് 2.30 ഓടെയാണ് സംഭവം നടന്നത്. തൃശൂരിൽ നിന്ന് തിരുവനന്തപുരത്തേക്ക് പോവുകയായിരുന്ന കെഎസ്ആർടിസി ബസിലെ ഡ്രൈവർ ഹോൺ മുഴക്കിയതിന്റെ പേരിലായിരുന്നു കയ്യേറ്റ ശ്രമം.
ഇടതുവശത്തുകൂടി ഓവർടേക്ക് ചെയ്ത കാർ പെട്ടെന്ന് വലതുവശത്തേക്ക് എടുത്തപ്പോൾ ഡ്രൈവർ ഹോൺ മുഴക്കി. തുടർന്ന് കാറിലുണ്ടായിരുന്ന നാല് യുവാക്കൾ ബസ് തടഞ്ഞു നിർത്തി ഡ്രൈവർക്ക് നേരെ കയ്യേറ്റം നടത്താൻ ശ്രമിക്കുകയായിരുന്നു. ഇവർ ബസ് ജീവനക്കാരെ അസഭ്യം പറയുകയും ചെയ്തു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
തിരുവനന്തപുരം സ്വദേശികളായ സഞ്ജുലാൽ, ശരത് എന്നീ ജീവനക്കാർക്കാണ് നേരെ യുവാക്കളുടെ ആക്രമണശ്രമം ഉണ്ടായത്. ഓൾട്ടോ കാറിലാണ് യുവാക്കൾ സഞ്ചരിച്ചിരുന്നത്. ട്രാക്ക് തെറ്റിച്ച് കയറിയ വാഹനത്തിന് നേരെ ഹോൺ അടിച്ചതിന്റെ പേരിലായിരുന്നു ഈ സംഭവം നടന്നത്.
