India's Olympic journey begins with archery ranking rounds

ഒളിമ്പിക്സിൽ ഇന്ത്യയുടെ മത്സരങ്ങൾക്ക് ഇന്ന് തുടക്കമാകുന്നു. അമ്പെയ്ത്ത് പുരുഷ-വനിത വിഭാഗങ്ങളിലെ റാങ്കിംഗ് റൗണ്ടിൽ ഇന്ത്യൻ താരങ്ങൾ പങ്കെടുക്കും. ഫുട്ബോൾ, റഗ്ബി, ഹാൻഡ്ബോൾ എന്നിവയുടെ ഗ്രൂപ്പ് റൗണ്ട് മത്സരങ്ങളും ഇന്ന് നടക്കും. ഒളിമ്പിക്സിന്റെ ഔദ്യോഗിക തുടക്കം നാളെയാണെങ്കിലും, ചില മത്സരങ്ള് ഇന്ന് മുതൽ ആരംഭിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ത്യയുടെ പ്രതീക്ഷകൾ ഏറെ പിന്തുണയ്ക്കുന്നത് ആറ് അമ്പെയ്ത്ത് താരങ്ങളാണ്. പുരുഷ വിഭാഗത്തിൽ ധീരജ് ബൊമ്മദേവര, തരുൺദീപ് റായ്, പ്രവീൺ ജാദവ് എന്നിവരും, വനിതാ വിഭാഗത്തിൽ മുൻ ലോക ഒന്നാം നമ്പർ ദീപികാ കുമാരി, ഭജൻ കൗർ, അങ്കിത ഭഗത് എന്നിവരും മത്സരിക്കും. ഈ ഒളിമ്പിക്സിൽ എല്ലാ ഫോർമാറ്റിലും ഇന്ത്യൻ പ്രാതിനിധ്യമുള്ള ഏക ഇനമാണ് അമ്പെയ്ത്ത്. പുരുഷ-വനിതാ വ്യക്തിഗത, ടീം വിഭാഗങ്ങളിലും മിക്സഡ് റൗണ്ടിലും ഇന്ത്യൻ താരങ്ങൾ പങ്കെടുക്കും.

ഇന്ന് നടക്കുന്നത് റാങ്കിംഗ് നിർണയിക്കുന്ന റൗണ്ടാണ്. 64 വീതം താരങ്ങൾ പുരുഷ-വനിതാ വിഭാഗങ്ങളിൽ മത്സരിക്കും. 70 മീറ്റർ അകലെയുള്ള ലക്ഷ്യത്തിലേക്ക് ഓരോ താരവും 72 തവണ അമ്പെയ്യണം. നേടുന്ന പോയിന്റിന് അനുസരിച്ച് താരങ്ങൾക്ക് റാങ്ക് നൽകും.

അഞ്ച് സെഞ്ചുറികൾ നേടിയിട്ടും ടെസ്റ്റ് തോറ്റ് ഇന്ത്യ; നാണക്കേട് റെക്കോർഡ്

ഈ റാങ്ക് അടിസ്ഥാനമാക്കിയാണ് അടുത്ത റൗണ്ടിലെ മത്സരക്രമം തയ്യാറാക്കുന്നത്. വനിതാ റാങ്കിംഗ് റൗണ്ട് ഇന്ത്യൻ സമയം ഉച്ചയ്ക്ക് ഒരു മണിക്കും, പുരുഷ വിഭാഗം മത്സരം അഞ്ചേ മുക്കാലിനും ആരംഭിക്കും. 12 വർഷങ്ങൾക്കു ശേഷമാണ് ഇന്ത്യ ഒളിമ്പിക്സ് അമ്പെയ്ത്തിന് യോഗ്യത നേടുന്നത്. ദീപികാ കുമാരിയുടെയും തരുൺദീപിന്റെയും മികച്ച പ്രകടനം അമ്പെയ്ത്തിൽ ഇന്ത്യയ്ക്ക് ആദ്യ മെഡൽ സമ്മാനിക്കുമെന്ന് പ്രതീക്ഷിക്കപ്പെടുന്നു.

ഫുട്ബോൾ, റഗ്ബി എന്നിവയുടെ ആദ്യ റൗണ്ട് മത്സരങ്ങൾക്കൊപ്പം ഹാൻഡ്ബോൾ മത്സരത്തിനും ഇന്ന് തുടക്കമാകും. പുരുഷ ഫുട്ബോളിൽ ആതിഥേയരായ ഫ്രാൻസ് അമേരിക്കയെ നേരിടുമ്പോൾ, വനിതാ വിഭാഗത്തിൽ ബ്രസീലും നൈജീരിയയും ഏറ്റുമുട്ടും.

ഇന്ത്യയുടെ ബംഗ്ലാദേശ് പര്യടനം റദ്ദാക്കിയേക്കും; കാരണം ഇതാണ്