Kerala objects to Tamil Nadu's Nipah screening at borders

നിപ വൈറസ് ബാധയുടെ പശ്ചാത്തലത്തിൽ തമിഴ്നാട് അതിർത്തികളിൽ നടത്തുന്ന പരിശോധനകൾ അനാവശ്യമാണെന്ന് കേരളം പ്രതികരിച്ചു. കേരളത്തിൽ നിപ സംബന്ധിച്ച് ഗുരുതരമായ സാഹചര്യങ്ങൾ നിലനിൽക്കുന്നില്ലെന്ന് ആരോഗ്യവകുപ്പ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വാളയാർ അതിർത്തിയിൽ അടക്കം കേരളത്തിൽ നിന്നുള്ളവരെ പരിശോധിക്കുന്നതിൽ സംസ്ഥാനം അതൃപ്തി അറിയിക്കുമെന്നും അറിയിച്ചു. മലപ്പുറത്ത് പതിനാലുകാരന് നിപ ബാധിച്ച് മരിച്ചതിനെ തുടർന്നാണ് കേരള-തമിഴ്നാട് അതിര്ത്തിയില് തമിഴ്നാട് ആരോഗ്യവകുപ്പ് പരിശോധന ശക്തമാക്കിയത്.

പാലക്കാട് ജില്ലയിലെ തമിഴ്നാടുമായി അതിര്ത്തി പങ്കിടുന്ന എല്ലാ ചെക്ക്പോസ്റ്റുകളിലും 24 മണിക്കൂറും നീളുന്ന പരിശോധനയാണ് തമിഴ്നാട് ആരോഗ്യവകുപ്പിന്റെ നേതൃത്വത്തില് നടത്തുന്നത്. വാഹനയാത്രികരുടെ ആരോഗ്യ സ്ഥിതി പരിശോധിച്ച ശേഷം മാത്രമാണ് തുടര്യാത്ര അനുവദിക്കുന്നത്.

ഈ സാഹചര്യത്തിൽ, ആരോഗ്യവകുപ്പ് സെക്രട്ടറി തമിഴ്നാട് ആരോഗ്യവകുപ്പുമായി ഉടൻ ബന്ധപ്പെടുമെന്ന് അറിയിച്ചു. കോളറ വ്യാപന സമയത്ത് തമിഴ്നാട്ടിൽനിന്ന് ആളുകൾക്ക് കേരളത്തിൽ വിലക്കുണ്ടായിരുന്നില്ലെന്നും സംസ്ഥാനം ചൂണ്ടിക്കാട്ടി.

ഇത്തരം അനാവശ്യ പരിശോധനകൾ ഒഴിവാക്കണമെന്ന് കേരളം ആവശ്യപ്പെടും.

ആശാ വർക്കേഴ്സിന് ഓണറേറിയം വർധിപ്പിക്കാൻ കോൺഗ്രസ് ഭരിക്കുന്ന തദ്ദേശ സ്ഥാപനങ്ങൾക്ക് കെപിസിസി നിർദേശം

ഐ.ബി. ഉദ്യോഗസ്ഥയുടെ ആത്മഹത്യ: സഹപ്രവർത്തകൻ ഒളിവിൽ