ഒ.ഐ.സി.സി റിയാദ് കൊല്ലം ജില്ലാ കമ്മിറ്റിയുടെ നേതൃത്വത്തിൽ റിയാദ് മാലാസിൽ കുടുംബ സംഗമം സംഘടിപ്പിച്ചു. ലൈഫ് കോച്ച് സുഷമ ഷാൻ നയിച്ച ക്ലാസ് ജീവിതത്തിലെ വെല്ലുവിളികളും മക്കൾ വിദേശത്ത് പഠിക്കുമ്പോൾ മാതാപിതാക്കൾ നേരിടുന്ന പ്രശ്നങ്ങളും ചർച്ച ചെയ്തു. സാംസ്കാരിക സമ്മേളനത്തിൽ കൊല്ലം ജില്ലാ കമ്മിറ്റി പ്രസിഡന്റ് ഷെഫീക്ക് പുരക്കുന്നിൽ അധ്യക്ഷത വഹിച്ചു, ഒ.ഐ.സി.സി സൗദി നാഷണൽ കമ്മിറ്റി ട്രഷറർ റഹ്മാൻ മുനമ്പത്ത് ഉദ്ഘാടനം നിർവഹിച്ചു.
പരിപാടിയിൽ പ്രമുഖ വ്യക്തികളെ ആദരിച്ചു. റിയാദിൽ ആദ്യമായി പ്രീമിയം ഇഖാമ ലഭിച്ച വ്യവസായി നൗഷാദ് കറ്റാനം, ഒ.ഐ.സി.സി നാഷണൽ കമ്മിറ്റി അംഗം അബ്ദു സലീം അർതിയിൽ, സെൻട്രൽ കമ്മിറ്റി സെക്രട്ടറി ഷാനവാസ് മുനമ്പത്ത്, സാമൂഹ്യ പ്രവർത്തകൻ നസീർ ഖാൻ, ഗായകൻ ജലീൽ കൊച്ചിൻ, പുതിയ ഒ.ഐ.സി.സി വനിതാ വേദി ഭാരവാഹികൾ എന്നിവരെ ആദരിച്ചു. നിയമക്കുരുക്കിൽ അകപ്പെട്ട പുനലൂർ സ്വദേശി നിസാർ ഷഹനാസിന് ജീവകാരുണ്യ ഫണ്ട് കൈമാറി.
റിയാദിലെ പ്രമുഖ കലാകാരന്മാരുടെ നേതൃത്വത്തിൽ ഗാനമേളയും സിനിമാറ്റിക് ഡാൻസും അരങ്ങേറി. സുബി സജിൻ അവതാരകയായിരുന്നു. ജില്ലാ ഭാരവാഹികളായ ബിജുലാൽ അലക്സാണ്ടർ, ഷാജി റാവുത്തർ, മജീദ് മൈത്രി, ജയൻ മാവിള, റഹീം കൊല്ലം എന്നിവർ പരിപാടികൾക്ക് നേതൃത്വം നൽകി. പ്രോഗ്രാം കമ്മിറ്റി കൺവീനർ ബിനോയ് മത്തായി ആമുഖ പ്രഭാഷണം നടത്തി, കൊല്ലം ജില്ലാ ജനറൽ സെക്രട്ടറി അലക്സ് കൊട്ടാരക്കര സ്വാഗതവും നിസാർ പള്ളിക്കശേരി നന്ദിയും പറഞ്ഞു.
