IAS Trainee Pooja Khedkar's Mother Arrested for Threatening Farmers

വിവാദ ഐഎഎസ് ട്രെയിനി പൂജാ ഖേദ്കറിന്റെ മാതാവ് മനോരമാ ഖേദ്കറിനെ പൊലീസ് അറസ്റ്റ് ചെയ്തു. തോക്ക് ചൂണ്ടി കർഷകരെ ഭീഷണിപ്പെടുത്തിയ കേസിലാണ് അറസ്റ്റ്. കഴിഞ്ഞ വർഷം ജൂണിൽ നടന്ന സംഭവത്തിന്റെ ദൃശ്യങ്ങൾ പുറത്തുവന്നതോടെ മനോരമ ഒളിവിൽ കഴിയുകയായിരുന്നു. ഭൂമി തർക്കത്തിൽ എതിർഭാഗത്തുള്ള കർഷകരെ സ്വകാര്യ അംഗരക്ഷകരോടൊപ്പമെത്തി ഭീഷണിപ്പെടുത്തിയതാണ് കേസിന് ആധാരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൂജ ഖേദ്കർ ഐഎഎസ് കിട്ടാൻ നടത്തിയ തട്ടിപ്പിനെക്കുറിച്ചുള്ള വിവരം പുറത്തുവന്നതിന് പിന്നാലെയാണ് ഈ ദൃശ്യങ്ങളും വൈറലായത്. ഇതോടെ പൂനെ പൊലീസ് കേസെടുത്തു. പൂജയുടെ മാതാവ് മനോരമ, പിതാവ് ദിലീപ് എന്നിവരടക്കം അഞ്ച് പേർക്കെതിരാണ് കേസ്. മഹാഡിലെ ഒരു ലോഡ്ജിൽ നിന്നാണ് മനോരമ പിടിയിലായത്.

എന്നാൽ ദിലീപ് ഖേദ്കറെ പിടികൂടാൻ പൊലീസിനായില്ല. കാർ വാടകയ്ക്കെടുത്തായിരുന്നു പ്രതികളുടെ യാത്രയെന്ന് പൊലീസ് പറയുന്നു. 2000ലാണ് മനോരമ ഖേദ്കറിന് തോക്ക് ലൈസൻസ് കിട്ടിയത്. ഇപ്പോൾ ലൈസൻസ് പിൻവലിക്കാനുള്ള നടപടി തുടങ്ങിയിട്ടുണ്ട്.

തിരുവാങ്കുളം കൊലപാതകം: അമ്മ കുറ്റം സമ്മതിച്ചെന്ന് പോലീസ്

പൂജയ്ക്കെതിരായ കേസിൽ അന്വേഷണത്തിനെത്തിയ പൊലീസ് സംഘത്തെയും മാധ്യമ പ്രവർത്തകരെയും മനോരമ നേരത്തെ ഭീഷണിപ്പെടുത്തിയിരുന്നു. അതേസമയം, ട്രെയിനിംഗ് അവസാനിപ്പിച്ച് മസൂറിയിലെ അക്കാദമിയിലേക്ക് മടങ്ങിവരാനുള്ള അറിയിപ്പ് കിട്ടിയതോടെ പൂജ ഖേദ്കർ പൂനെ കളക്ടർക്കെതിരെ മാനസിക പീഡനത്തിന് പരാതി നൽകി. പൂജയുടെ അധികാര ദുർവിനിയോഗത്തിനെതിരെ ആദ്യം പരാതി നൽകിയത് ഇതേ കളക്ടറാണ്. പിന്നാലെയാണ് തട്ടിപ്പ് വിവരങ്ങൾ ഒന്നൊന്നായി പുറത്തുവന്നത്.

തിരുവാങ്കുളം കൊലപാതകം: അമ്മ കുറ്റം സമ്മതിച്ചെന്ന് പോലീസ്