PM CARES for Children: 51% applications rejected, reasons unclear

രാജ്യത്തെ കുട്ടികൾക്കായുള്ള പിഎം കെയർ പദ്ധതിയിലേക്ക് ലഭിച്ച അപേക്ഷകളിൽ 51% തള്ളിയെന്ന് റിപ്പോർട്ട്. കൊവിഡ് കാലത്ത് മാതാപിതാക്കളെ നഷ്ടപ്പെട്ട് അനാഥരായ കുട്ടികൾക്ക് വേണ്ടി 2021 മെയ് 29 ന് കേന്ദ്രസർക്കാർ ആരംഭിച്ച പദ്ധതിയാണിത്. 2020 മാർച്ച് 11 നും 2023 മെയ് അഞ്ചിനും ഇടയിൽ രക്ഷിതാക്കളെ നഷ്ടപ്പെട്ടവർക്കായിരുന്നു പദ്ധതി ലക്ഷ്യമിട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാജ്യത്തെ 33 സംസ്ഥാനങ്ങളിലെ 613 ജില്ലകളിൽ നിന്നായി 9331 അപേക്ഷകളാണ് കേന്ദ്രത്തിന് ലഭിച്ചത്. എന്നാൽ 32 സംസ്ഥാനങ്ങളിലെ 558 ജില്ലകളിൽ നിന്നുള്ള 4532 അപേക്ഷകൾ മാത്രമാണ് അംഗീകരിച്ചത്. 4781 അപേക്ഷകൾ തള്ളുകയും 18 എണ്ണം ഇപ്പോഴും പരിഗണനയിലുമാണ്.

കേന്ദ്ര വനിതാ ശിശു ക്ഷേമ മന്ത്രാലയമാണ് ഈ കണക്കുകൾ പുറത്തുവിട്ടത്. എന്നാൽ അപേക്ഷകൾ നിരസിക്കാനുള്ള കാരണങ്ങൾ വ്യക്തമാക്കിയിട്ടില്ല. രാജസ്ഥാൻ, മഹാരാഷ്ട്ര, ഉത്തർപ്രദേശ് എന്നീ സംസ്ഥാനങ്ങളിൽ നിന്നാണ് കൂടുതൽ അപേക്ഷകൾ ലഭിച്ചത്.

തമിഴിൽ ഒപ്പിടാത്ത നേതാക്കളെ വിമർശിച്ച് പ്രധാനമന്ത്രി മോദി

യഥാക്രമം 1553, 1511, 1007 അപേക്ഷകളാണ് ഇവിടങ്ങളിൽ നിന്നെത്തിയത്. എന്നാൽ മഹാരാഷ്ട്രയിലെ 855, രാജസ്ഥാനിലെ 210, ഉത്തർപ്രദേശിലെ 467 അപേക്ഷകൾ മാത്രമാണ് അംഗീകരിച്ചത്. ഈ പദ്ധതി വഴി അനാഥരാക്കപ്പെട്ട കുട്ടികൾക്ക് 23 വയസ് വരെ വിദ്യാഭ്യാസം, ആരോഗ്യ ഇൻഷുറൻസ്, സാമ്പത്തിക സഹായം തുടങ്ങിയവ നൽകും.

കോവിഡ് രോഗിയെ ആംബുലൻസിൽ പീഡിപ്പിച്ച കേസ്: പ്രതി കുറ്റക്കാരൻ