Worker Missing During Canal Cleaning in Thiruvananthapuram

ആമയിഴഞ്ചാന് തോട്ടില് ശുചീകരണത്തിന് ഇറങ്ങിയ തൊഴിലാളിയെ കാണാതായിട്ട് 5 മണിക്കൂർ കഴിഞ്ഞു. മാരായമുട്ടം സ്വദേശി ജോയി എന്ന 42 വയസ്സുകാരനാണ് കാണാതായത്. നിലവിൽ സ്കൂബ ഡൈവിംഗിൽ പരിശീലനം നേടിയ ഫയർഫോഴ്സ് അംഗങ്ങൾ തെരച്ചിൽ നടത്തുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഴുവൻ സംവിധാനങ്ങളുമായി സ്കൂബ ടീം ടണലിന് ഉള്ളിലേക്ക് കടന്നിട്ടുണ്ട്. മാലിന്യം നീക്കം ചെയ്ത ശേഷമാണ് മുങ്ങൽ വിദഗ്ധർ പരിശോധന നടത്തുന്നത്. ട്രാക്കിനിടയിലെ മാൻഹോളുകളിലും പരിശോധന നടത്താനുള്ള ശ്രമത്തിലാണ് സംഘം.

അപകടത്തിൽ പരസ്പരം പഴിചാരി റെയിൽവേയും നഗരസഭയും രംഗത്തെത്തി. ഒരു മാസം മുമ്പ് നോട്ടീസ് നൽകിയിട്ടും റെയിൽവേ നടപടിയെടുത്തില്ലെന്ന് നഗരസഭ ആരോപിച്ചു. എന്നാൽ കാണാതായ ജീവനക്കാരുമായി ബന്ധമില്ലെന്നും തോട് വൃത്തിയാക്കേണ്ടത് നഗരസഭയും മൈനർ ഇറിഗേഷൻ വകുപ്പുമാണെന്നും ദക്ഷിണ റെയിൽവേ അധികൃതർ പ്രതികരിച്ചു.

നഗരസഭയെ കുറ്റപ്പെടുത്താനുള്ള സമയമായി ചിലർ ഇതിനെ കാണുന്നുവെന്ന് മേയർ ആര്യാ രാജേന്ദ്രൻ പറഞ്ഞു. കാണാതായത് റെയിൽവേയുടെ കരാർ പ്രവർത്തനങ്ങൾ ചെയ്യുന്ന കരാറുകാരന് കീഴിലെ തൊഴിലാളിയാണെന്നും മേയർ വ്യക്തമാക്കി. നഗരസഭയോട് ആവശ്യപ്പെട്ട സഹായം നൽകുമെന്നും മാലിന്യം മാറ്റാൻ ഒരു JCB ഉടൻ എത്തിച്ചേരുമെന്നും അവർ കൂട്ടിച്ചേർത്തു.

കൽപ്പറ്റ പോലീസ് സ്റ്റേഷനിലെ മരണം: പോലീസിന് വീഴ്ചയെന്ന് റിപ്പോർട്ട്; ദുരൂഹത ആരോപിച്ച് ബന്ധുക്കൾ

ഓരോ നിമിഷം കഴിയുമ്പോഴും ടെൻഷനാണെന്നും ഉടനെ കണ്ടെത്താൻ കഴിയുമെന്ന് വിശ്വാസമുണ്ടെന്നും മേയർ പ്രതികരിച്ചു.

11 വയസ്സുകാരിയെ പീഡിപ്പിച്ചു; അമ്മയ്ക്കെതിരെ പോലീസ് കേസ്