Kerala Tops India's Sustainable Development Index Again

കേരളം വീണ്ടും സുസ്ഥിര വികസന സൂചികയിൽ ഇന്ത്യയിൽ ഒന്നാമതെത്തി. നീതി ആയോഗ് തയ്യാറാക്കുന്ന ഈ പട്ടികയിൽ 16 വികസന ലക്ഷ്യങ്ങൾ അടിസ്ഥാനമാക്കിയാണ് സംസ്ഥാനങ്ങളെ വിലയിരുത്തുന്നത്. ആരോഗ്യം, വിദ്യാഭ്യാസം, ലിംഗസമത്വം, അസമത്വം, ഊർജം, വ്യവസായം, പരിസ്ഥിതി, ശുദ്ധജലം തുടങ്ങിയവയാണ് പരിഗണിക്കുന്ന പ്രധാന മേഖലകൾ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഖ്യമന്ത്രി പിണറായി വിജയൻ ഫേസ്ബുക്കിലൂടെയാണ് ഈ നേട്ടം പങ്കുവെച്ചത്. പുതിയ വികസന സൂചികയിൽ കേരളം 79 പോയിന്റ് നേടി. 2020-21 ലെ സൂചികയിൽ 75 പോയിന്റായിരുന്നു സംസ്ഥാനത്തിന്.

നാല് പോയിന്റിന്റെ വർധനവാണ് ഉണ്ടായത്. ഉത്തരാഖണ്ഡും 79 പോയിന്റോടെ കേരളത്തോടൊപ്പം ഒന്നാം സ്ഥാനം പങ്കിടുന്നു. തമിഴ്നാട് 78 പോയിന്റോടെ രണ്ടാം സ്ഥാനത്തും ഗോവ 77 പോയിന്റോടെ മൂന്നാം സ്ഥാനത്തുമാണ്.

ബീഹാറാണ് ഏറ്റവും പിന്നിൽ. ഈ നേട്ടം ഇടതുപക്ഷ ജനാധിപത്യ മുന്നണി സർക്കാരിന്റെ ജനക്ഷേമ, സാമൂഹ്യപുരോഗതി പ്രവർത്തനങ്ങൾക്കുള്ള അംഗീകാരമാണെന്ന് മുഖ്യമന്ത്രി അഭിപ്രായപ്പെട്ടു. കേന്ദ്രഭരണ പ്രദേശങ്ങളിൽ ഛണ്ഡീഗഢ്, ജമ്മു ആൻഡ് കശ്മീർ, പുതുച്ചേരി, ആൻഡമാൻ ആൻഡ് നിക്കോബാർ, ഡൽഹി എന്നിവയാണ് മികച്ച പ്രകടനം കാഴ്ചവെച്ചത്.

പത്തനാപുരം-തിരുവനന്തപുരം കെഎസ്ആർടിസി ഫാസ്റ്റ് പാസഞ്ചർ ബസ് ഗതാഗതമന്ത്രി കെ.ബി. ഗണേഷ് കുമാർ ഉദ്ഘാടനം ചെയ്തു

ജാർഖണ്ഡിന് 62 പോയിന്റും നാഗാലാൻഡിന് 63 പോയിന്റുമാണ് ലഭിച്ചത്.

സൂപ്പർ ലീഗ് കേരളക്ക് ആവേശത്തുടക്കം; ഉദ്ഘാടന മത്സരത്തിൽ കാലിക്കറ്റ് എഫ്.സിക്ക് ജയം