Newly-wed bride alleges brutal assault by husband in Malappuram

മലപ്പുറം വേങ്ങരയിൽ നവവധുവിന് ഭർതൃവീട്ടിൽ ക്രൂര പീഡനമേറ്റതായി പരാതി. 2024 മെയ് 2-ന് വിവാഹിതയായ പെൺകുട്ടി, വിവാഹം കഴിഞ്ഞ് ആറാം ദിവസം മുതൽ തന്നെ ഭർത്താവ് മുഹമ്മദ് ഫായിസ് മൊബൈൽ ഫോൺ ചാർജർ വയറും കൈകളും ഉപയോഗിച്ച് ക്രൂരമായി മർദിച്ചതായി ആരോപിക്കുന്നു. മർദനത്തിൽ കേൾവിശക്തി തകരാറിലായതായും പെൺകുട്ടി പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംശയവും കൂടുതൽ സ്ത്രീധനവും ആവശ്യപ്പെട്ടാണ് മർദിച്ചതെന്ന് പെൺകുട്ടി പരാതിയിൽ വ്യക്തമാക്കുന്നു. ശരീരമാസകലം മുറിവുകളുണ്ടായെന്നും കൈക്ക് പൊട്ടൽ സംഭവിച്ചുവെന്നും അവർ ആരോപിക്കുന്നു. കൂടാതെ, ഭർത്താവ് തന്നെ പ്രകൃതി വിരുദ്ധ പീഡനത്തിനും ഇരയാക്കിയെന്നും, മർദനവിവരം പുറത്തുപറഞ്ഞാൽ സ്വകാര്യ ചിത്രങ്ങൾ പ്രചരിപ്പിക്കുമെന്ന് ഭീഷണിപ്പെടുത്തിയതായും പെൺകുട്ടി പറയുന്നു.

മർദനം രൂക്ഷമായപ്പോൾ മെയ് 22-ന് പെൺകുട്ടി സ്വന്തം വീട്ടിലേക്ക് മടങ്ങി. പിറ്റേന്ന് മെയ് 23-ന് പൊലീസിൽ പരാതി നൽകി. കേസിൽ ഭർത്താവ് മുഹമ്മദ് ഫായിസ് ഒന്നാം പ്രതിയും, ഭർതൃപിതാവും മാതാവും യഥാക്രമം രണ്ടും മൂന്നും പ്രതികളുമാണ്.

പാക് അധീന കശ്മീരിൽ സംഘർഷം; വെടിവെപ്പിൽ രണ്ട് മരണം, 22 പേർക്ക് പരിക്ക്

മലപ്പുറം വനിതാ പൊലീസ് സ്റ്റേഷനിൽ രജിസ്റ്റർ ചെയ്ത കേസ് നിലവിൽ വേങ്ങര പൊലീസ് അന്വേഷിക്കുന്നു. എന്നാൽ, പ്രതിയെ പിടികൂടുന്നില്ലെന്ന് കുടുംബം പരാതിപ്പെടുന്നു. പ്രതിയെ അറസ്റ്റ് ചെയ്യണമെന്നാവശ്യപ്പെട്ട് പെൺകുട്ടി ഹൈക്കോടതിയെ സമീപിച്ചിട്ടുണ്ട്.

കാസർഗോഡ് കാഞ്ഞങ്ങാട്ട് വീട്ടിൽ സൂക്ഷിച്ച സ്വർണവും പണവും കവർന്നു; പോലീസ് അന്വേഷണം ആരംഭിച്ചു