കാക്കനാട് ടി വി സെന്റര്‍ താണാപാടത്തെ ഫ്‌ളാറ്റില്‍ ഒരു ദന്തല്‍ ഡോക്ടറെ തൂങ്ങിമരിച്ച നിലയില്‍ കണ്ടെത്തി. മരിച്ചത് കോഴിക്കോട് വെസ്റ്റ് ഹില്‍ അത്താണിക്കല്‍ പെരുമാനൂര്‍ വീട്ടില്‍ സോഡി ജോണിന്റെ ഭാര്യ ബിന്ദു ചെറിയാനാണ്. 39 വയസ്സായിരുന്നു പ്രായം. ഫ്‌ളാറ്റില്‍ ഒറ്റയ്ക്കായിരുന്നു താമസം. തിരുവാണിയൂര്‍ ലയണ്‍സ് ഹോസ്പ്പിറ്റലിലെ ഡോക്ടറായിരുന്നു ബിന്ദു. മൃതദേഹം എറണാകുളം മെഡിക്കല്‍ കോളേജ് ആശുപത്രിയിലേക്ക് മാറ്റി. എഫ്രേം സോഡി, ബെഞ്ചമിന്‍ സോഡി എന്നിവരാണ് മക്കള്‍.
