ആന്ധ്രാപ്രദേശ് ഉപമുഖ്യമന്ത്രിയും തെലുങ്ക് സൂപ്പർ താരവുമായ പവൻ കല്യാണ്‍ ജനങ്ങളുടെ ക്ഷേമത്തിനും ഐശ്വര്യത്തിനും വേണ്ടി പതിനൊന്നു ദിവസം നീണ്ട ഉപവാസം ആരംഭിച്ചു. ബുധനാഴ്ച മുതല്‍ ആരംഭിച്ച ഈ ഉപവാസം ‘വരാഹി അമ്മവാരി ദീക്ഷ’ എന്നറിയപ്പെടുന്നു. ഉപവാസം ആരംഭിച്ചതിന് പിന്നാലെ ദീക്ഷാ വസ്ത്രത്തിലുള്ള പവൻ കല്യാണിന്റെ ചിത്രങ്ങൾ സോഷ്യല്‍ മീഡിയയില്‍ വൈറലായി.
2024-ലെ പൊതു തിരഞ്ഞെടുപ്പില്‍ ചന്ദ്രബാബു നായിഡുവിന്റെ ടി.ഡി.പി- ബി.ജെ.പി. സഖ്യത്തില്‍ പവൻ കല്യാണിന്റെ ജനസേന പാർട്ടി 21 നിയമസഭാ സീറ്റുകളിലും രണ്ട് ലോക്സഭാ സീറ്റുകളിലും വിജയം നേടി. നിലവില്‍ ആന്ധ്രാപ്രദേശില്‍ ചന്ദ്രബാബു നായിഡു സർക്കാരില്‍ ഉപമുഖ്യമന്ത്രി സ്ഥാനം വഹിക്കുന്ന പവൻ കല്യാണ്‍, ഈ ഉപവാസത്തിലൂടെ ജനങ്ങളുടെ ക്ഷേമത്തിനായി പ്രാർത്ഥിക്കുകയാണ്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
