Hathras Tragedy: 87 Dead in Religious Gathering Stampede

ഉത്തര്പ്രദേശിലെ ഹാത്രസില് നടന്ന ആധ്യാത്മിക പരിപാടിയില് ഉണ്ടായ തിക്കിലും തിരക്കിലും പെട്ട് 87 പേര് മരിച്ചു. മാനവ് മംഗള് മിലന് സദ്ഭാവന സമാഗം കമ്മിറ്റി സംഘടിപ്പിച്ച സത്സംഗത്തിനിടെയാണ് അപകടമുണ്ടായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സത്സംഗത്തിന് ശേഷം ആളുകള് തിരികെ വീടുകളിലേക്ക് മടങ്ങുമ്പോഴാണ് തിക്കും തിരക്കും വര്ധിച്ചത്. തിരക്കില്പ്പെട്ട 150ലേറെ പേര്ക്ക് പരുക്കേറ്റിട്ടുണ്ട്.

മരിച്ചവരില് ഏറെയും സ്ത്രീകളും കുട്ടികളുമാണെന്നാണ് വിവരം. പരുക്കേറ്റവരെ ഹാത്രസിലേയും എറ്റയിലേയും ആശുപത്രികളിലേക്ക് മാറ്റിയിട്ടുണ്ട്.

മരിച്ചവരുടെ മൃതദേഹങ്ങള് ഹാത്രസിലെ ഒരു സ്വകാര്യ ആശുപത്രിയില് കൂട്ടിയിട്ടിരിക്കുകയാണെന്ന് സോഷ്യല് മീഡിയയില് ആരോപണം ഉയര്ന്നിരുന്നു. എന്നാല് പുറത്തുവരുന്ന വിഡിയോകള് ഉത്തര്പ്രദേശ് സര്ക്കാരോ അധികൃതരോ സ്ഥിരീകരിച്ചിട്ടില്ല.

സംഭവത്തെക്കുറിച്ച് കൃത്യമായി പരിശോധന നടത്തുമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞു. പ്രധാനമന്ത്രി നരേന്ദ്രമോദി ഉള്പ്പെടെയുള്ളവര് സംഭവത്തില് അനുശോചനം രേഖപ്പെടുത്തി.

റായ്ബറേലിയിൽ രാഹുൽ ഗാന്ധിക്കെതിരെ ബിജെപി പ്രതിഷേധം; വാഹനവ്യൂഹം തടഞ്ഞു

ഉത്തർപ്രദേശിൽ നദിതീരത്ത് ഉറുമ്പുകൾ മൂടിയ നിലയിൽ 10 ദിവസം പ്രായമുള്ള പെൺകുഞ്ഞ്; പോലീസ് അന്വേഷണം