കൊണ്ടോട്ടി പോലീസ് സ്റ്റേഷനിൽ പുതിയ ഭാരതീയ ന്യായസംഹിത പ്രകാരം ആദ്യ എഫ്ഐആർ രജിസ്റ്റർ ചെയ്തു. ഇരുചക്രവാഹനം അശ്രദ്ധമായി ഓടിച്ചതിനാണ് കേസ് രജിസ്റ്റർ ചെയ്തത്. ഭാരതീയ ന്യായസംഹിത 2023 ലെ വകുപ്പ് 281, മോട്ടോർ വെഹിക്കിൾ ആക്ട് 1988 ലെ വകുപ്പ് 194 ഡി എന്നിവ ചുമത്തിയാണ് എഫ്ഐആർ രജിസ്റ്റർ ചെയ്തത്. ഇന്ന് പുലർച്ചെ 12:20 നാണ് കേസ് രജിസ്റ്റർ ചെയ്തത്. പുതിയ ഭാരതീയ നാഗരിക സുരക്ഷാസംഹിതയിലെ വകുപ്പ് 173 പ്രകാരമാണ് എഫ്ഐആർ തയ്യാറാക്കിയത്. മലപ്പുറം ജില്ലയിലെ കൊണ്ടോട്ടി പോലീസ് സ്റ്റേഷനിലാണ് സംസ്ഥാനത്തെ ആദ്യത്തെ എഫ്ഐആർ രജിസ്റ്റർ ചെയ്തത്.
